Hero Weight Loss: ఇదిరా డెడికేషన్ అంటే.. సినిమా కోసం 18 కేజీల బరువు తగ్గిన హీరో

Hero lost 18 kg weight for the film: హీరో రామ్ పోతినేని, డాషింగ్ డైరెక్టర్ పూరి జగన్నాధ్‌ కాంబినేషన్‌లో ఎంతో ఆసక్తిగా ఎదురుచూస్తున్న పాన్ ఇండియా మూవీ “డబుల్ ఇస్మార్ట్”. ప్రైమ్ షో ఎంటర్‌టైన్‌మెంట్ నిర్మాతలు నిరంజన్ రెడ్డి & చైతన్య రెడ్డి ఉస్తాద్ రామ్ పోతినేని, పూరి జగన్నాథ్, కాంబోలో తెరకెక్కుతున్న ఈ మూవీ మీద జనాలలో ఎంతో ఆసక్తి ఉంది. ఈ సినిమా పోస్టర్‌లు, టీజర్ మరియు పాటలకు అద్భుతమైన స్పందన వచ్చింది. ఇంతకు ముందు వీళ్ళ ఇద్దరి కాంబోలో వచ్చిన భారీ బ్లాక్‌బస్టర్ ఇస్మార్ట్ శంకర్‌కి సీక్వెల్గా తెరకెక్కిన ఈ చిత్రంలో మాస్, యాక్షన్, డ్రామా మరియు వినోదం యొక్క డబుల్ డోస్ ఉంటుందని అంటున్నారు. ఇక ఈ మూవీని స్వాతంత్ర దినోత్సవం సందర్భంగా ఆగష్టు 15న థియేటర్లలో ప్రపంచవ్యాప్తంగా విడుదల చేయనున్నారు. మొత్తం ఐదు భాషల్లో డబుల్ ఇస్మార్ట్ కోసం పెద్ద రిలీజే ప్లాన్ చేశారు.

Also Read: Harish Rao: రైతు ఆత్మహత్యలపై ప్రభుత్వాన్ని నిలదీసిన మాజీ మంత్రి..

పూరి కనెక్ట్స్ బ్యానర్‌లో పూరి జగన్నాధ్ – ఛార్మీ కౌర్ నిర్మించిన ఈ సినిమాలో సంజయ్ దత్ పవర్ ఫుల్ పాత్రలో నటించగా, రామ్ సరసన కావ్య థాపర్ హీరోయిన్ గా నటించింది. అలీ, గెటప్ శ్రీను తదితరులు ఇతర కీలక పాత్రల్లో నటిస్తున్నారు. ఈ సినిమాకి మణిశర్మ సంగీతం అందించారు. ఇక తాజాగా ఈ సినిమా ప్రొమోషన్స్ స్టార్ట్ చేసిన చిత్ర యూనిట్ రీసెంట్ గ వైజాగ్ లో ట్రైలర్ లంచ్ చేసారు. ట్రైలర్ పైన మంచి స్పందన రావడంతో ఈ సినిమా కోసం తాను పడ్డ కష్టాలు గురించి హీరో రామ్ చెప్పుకొచ్చారు. సినిమా ప్రమోషన్ భాగంగా గెటప్ శ్రీనుతో ఇంటర్వ్యూ లో హీరో రామ్ కొన్ని విషయాలు పంచుకున్నారు. సినిమా షూటింగ్ సమయంలో క్లైమాక్స్ కోసం బరువు తగ్గాలని డైరెక్టర్ చెప్పారని దానికోసం బాలీ వెళ్లి రెండు నెలల్లో 86 నుండి 68 కేజీలు బరువు తగ్గాను అంటు చెప్పుకొచ్చారు. ఇక సినిమాకోసం హీరో రామ్ డెడికేషన్ చూసి ఫాన్స్ అంత ఆశ్చర్య పోతున్నారు.