Harish Kalyan: కోలీవుడ్ యంగ్ హీరో హరీష్ కళ్యాణ్ ఎట్టకేలకు ఒక ఇంటివాడు అయ్యాడు. చెన్నైకి చెందిన ప్రముఖ పారిశ్రామికవేత్త నర్మదా ఉదయకుమార్తో ఏడు అడుగులు వేశాడు. నేడు వీరి పెళ్లి చెన్నైలోని తిరువెర్కాడులోని జీపీఎన్ ప్యాలెస్ లో ఘనంగా జరిగింది. ఇక తాళి కట్టేటప్పుడు నర్మదా ఆనందంతో కన్నీళ్లు పెట్టుకోవడం చూపరులను ఆకట్టుకొంది. వీరిద్దరిది పెద్దలు కుదిర్చిన పెళ్లి. ఇక నిశ్చితార్థం అయ్యాకా తాము ప్రేమలో పడినట్లు చెప్పుకొచ్చారు.
ప్రస్తుతం వీరి పెళ్లి ఫోటోలు నెట్టింట వైరల్ గా మారాయి. ఇక హరీష్ టాలీవుడ్ లో కూడా సుపరిచితమే. నాని హీరోగా నటించిన జెర్సీ సినిమాలో నాని కొడుకుగా కనిపించింది హరీష్ కల్యాణే. ఈ సినిమాతో హరీష్ కు సైతం మంచి పేరు వచ్చింది. అంతేకాకుండా విజయ్ దేవరకొండ మొదటి సినిమా పెళ్లి చూపులు తమిళ్ రీమేక్ లో హరీష్ కళ్యాణ్ హీరోగా నటించాడు. ప్రస్తుతం వరుస సినిమాలతో బిజీగా ఉన్న హరీష్ త్వరలోనే తెలుగులో కూడా ఎంట్రీ ఇవ్వనున్నాడు. మరి ఈ కుర్ర హీరో పెళ్లి తరువాత ఎలాంటి విజయాలను అందుకుంటాడో చూడాలి.