HANU-MAN: తేజ సజ్జా బర్త్ డే సందర్భంగా ‘హను-మాన్’ స్పెషల్ పోస్టర్!
బాలనటుడిగా కెరీర్ ప్రారంభించిన తేజ సజ్జా యుక్తవయసులోకి రాగానే ‘ఓ బేబీ’ లాంటి మూవీలో కీ-రోల్ ప్లే చేసి అందరి మన్ననలు అందుకున్నాడు. ఇక సోలో హీరోగా భిన్నమైన కథలను ఎంపిక చేసుకుని సక్సెస్ ఫుల్ గా ముందుకు సాగుతున్నాడు. ప్రస్తుతం తేజ సజ్జా క్రియేటివ్ డైరెక్టర్ ప్రశాంత్ వర్మ దర్శకత్వంలో పాన్ ఇండియా సూపర్ హీరో మూవీ ‘హను-మాన్’లో నటిస్తున్నాడు.
మంగళవారం తేజ సజ్జా పుట్టినరోజు సందర్భంగా ‘హను-మాన్’కు సంబంధించి బ్రాండ్ న్యూ పోస్టర్ను చిత్ర యూనిట్ విడుదల చేసింది. ఈ పోస్టర్ లో తేజ సజ్జా సంప్రదాయ వస్త్రధారణలో తలపాగా చుట్టుకుని, ఎడ్ల బండిని నడుపుతూ చాలా ఉల్లాసంగా కనిపిస్తున్నారు. అమృత అయ్యర్ కథానాయికగా నటిస్తుండగా, ప్రముఖ నిర్మాణ సంస్థ ప్రైమ్ షో ఎంటర్ టైన్ మెంట్ ఈ చిత్రాన్ని భారీ స్థాయిలో నిర్మిస్తోంది. టాప్-గ్రేడ్ టెక్నీషియన్స్ పనిచేస్తున్న ఈ చిత్రంలో వరలక్ష్మి శరత్కుమార్ కీలక పాత్ర పోషిస్తోంది. కె. నిరంజన్ రెడ్డి నిర్మిస్తున్న ఈ చిత్రాన్ని శ్రీమతి చైతన్య సమర్పిస్తున్నారు. ఈ చిత్రానికి అస్రిన్ రెడ్డి ఎగ్జిక్యూటివ్ ప్రొడ్యూసర్, వెంకట్ కుమార్ జెట్టి లైన్ ప్రొడ్యూసర్, కుశాల్ రెడ్డి అసోసియేట్ ప్రొడ్యూసర్. నలుగురు ట్యాలెంటెడ్ సంగీత దర్శకులు – అనుదీప్ దేవ్, హరి గౌరా, జై క్రిష్, కృష్ణ సౌరభ్ ఈ చిత్రానికి స్వరాలు సమకూస్తున్నారు. దాశరధి శివేంద్ర సినిమాటోగ్రఫీ అందిస్తున్నారు.