God Father Trailer: మెగాస్టార్ చిరంజీవి ప్రధాన పాత్రలో మోహన్ రాజా దర్శకత్వంలో తెరకెక్కిన చిత్రం గాడ్ ఫాదర్. మలయాళ హిట్ సినిమా లూసిఫర్ కు అధికారిక రీమేక్ గా తెరకెక్కిన ఈ సినిమాను కొణిదెల ప్రొడక్షన్స్ మరియు సూపర్ గుడ్ ఫిల్మ్స్ సంయుక్తంగా నిర్మిస్తున్నాయి. ఇక ఈ సినిమాను దసరా కానుకగా అక్టోబర్ 5 న ప్రేక్షకుల ముందుకు రానుంది. ఇక ఈ సినిమా నుంచి ఇప్పటివరకు రిలీజైన పోస్టర్స్, సాంగ్స్, టీజర్ ప్రేక్షకులను విశేషంగా ఆకట్టుకున్నాయి. తాజాగా ఈ సినిమా ట్రైలర్ ను మేకర్స్ రిలీజ్ చేశారు. ట్రైలర్ ఆద్యంతం గూస్ బంప్స్ తెప్పిస్తోంది. “మన స్టేట్ సీఎం.. పీకేఆర్ అకస్మిక మరణం.. మంచోళ్ళందరూ మంచోళ్ళు కాదు.. చాలా డ్రామాలు జరుగుతున్నాయి వెనుక” అంటూ పూరి జగన్నాథ్ బేస్ వాయిస్ తో ట్రైలర్ ప్రారంభమయ్యింది. ఇక నెక్స్ట్ సీఎం ఎవరు అని అనగానే ది మోస్ట్ డేంజరస్ మిస్టీరియస్ మ్యాన్ బ్రహ్మ అంటూ చిరు ఇంట్రడక్షన్ అదిరిపోయింది. ఇక రాజకీయ డైలాగ్ తో దుమారం రేపిన ఆ డైలాగ్ గాడ్ ఫాదర్ లోనీదే అని క్లారిటీ ఇచ్చేసాడు చిరు. నేను రాజకీయం నుంచి దూరంగా ఉన్నాను.. కానీ, నా నుంచి రాజకీయం దూరం కాలేదు అని జైల్లో చిరు చెప్పే డైలాగ్ కు థియేటర్లు చిరిగిపోవడం ఖాయమనిపిస్తోంది. ఇక అన్న అంటే ఇష్టం లేని పాత్రలో నయన్ ఎంతో పొందికగా కనిపించగా.. విలన్ గా సత్యదేవ్ ఒక రేంజ్ లో విలనిజాన్ని పండించాడు.
ఇక నా ముందు నువ్వెంత పిల్ల బచ్చా అంటూ సత్యదేవ్ కు చిరు ఇచ్చే స్వీట్ వార్నింగ్ అదిరిపోయింది. ఒక రాజకీయ పెద్ద చనిపోతే ఆ సీట్ కోసం కాచుకొని ఉన్న రాజకీయ నేతలు, వారి కుటుంబాన్ని రోడ్డు మీదకు ఈడ్చే ఇంటి అల్లుడును ఆ కుటుంబానికి రుణపడి ఉన్న ఒక వ్యక్తి ఎలా దారిలో పెట్టాడు అనేదే గాడ్ ఫాదర్ కథగా తెలుస్తోంది. ఇక ట్రైలర్ లో హైలైట్ గా నిలిచింది మాత్రం సల్మాన్ ఖాన్ ఎంట్రీ.. బడా భాయ్ ఏది చెప్తే అది చేసే ఛోటా భాయ్ పాత్రలో సల్లూ భాయ్ పిచ్చెక్కించాడు. చివరిలో సల్మాన్.. అతని వెనుక సింగంలా చిరు వస్తున్న షాట్అయితే మెగా ఫ్యాన్స్ కు పూనకాలు తెప్పిస్తుందనే చెప్పాలి. ఇక చిరుకు అసిస్టెంట్ గా సునీల్ కనిపించగా.. పోలీస్ ఆఫీసర్ గా సముద్ర ఖని కనిపించారు. ఇక ముఖ్య పాత్రల్లో మురళీ శర్మ, బ్రహ్మజీ కనిపించి మెప్పించారు. ఇక థమన్ బ్యాక్ గ్రౌండ్ మ్యూజిక్ అయితే అరుపులే అని చెప్పొచ్చు. మొత్తానికి ట్రైలర్ తో ఈ సినిమాపై ఒక్కసారిగా అంచనాలను పెంచేశారు. ప్రస్తుతం ఈ ట్రైలర్ నెట్టింట వైరల్ గా మారింది. మరి ఈ గాడ్ ఫాదర్ ఎలా మెప్పిస్తాడా చూడాలంటే అక్టోబరు 5 వరకు ఆగాల్సిందే.
ఈ విజయదశమి కి థియేటర్స్ లో కలుసుకుందాం.#GodFather coming on Vijayadasami.
Here's the #GodFatherTrailer
https://t.co/FScCbk1POF
#GodFatherOnOct5th @BeingSalmanKhan @jayam_mohanraja #Nayanthara @ActorSatyaDev @MusicThaman @ProducerNVP @KonidelaPro @saregamasouth— Chiranjeevi Konidela (@KChiruTweets) September 28, 2022
