మూవీ ఆర్టిస్ట్ అసోసియేషన్ ప్రెసిడెంట్, మోహన్ బాబు తనయుడు విష్ణు మంచు నటిస్తున్న తాజా చిత్రం ‘జిన్నా’. పాయల్ రాజ్ పుత్, సన్నీ లియోన్ ప్రధాన పాత్రలు పోషిస్తున్న ఈ సినిమాలో ‘వెన్నెల’ కిశోర్, చమ్మక్ చంద్ర, రఘుబాబు సపోర్టింగ్ రోల్స్ చేస్తున్నారు. జి. నాగేశ్వరరెడ్డి మూల కథను అందించగా, ‘గ్యాంగ్ స్టర్ గంగరాజు’ ఫేమ్ ఈషాన్ సూర్య దీనికి దర్శకత్వం వహిస్తున్నారు. ఈ చిత్రానికి స్టోరీ, స్క్రీన్ ప్లే ను సమకూర్చడంతో పాటు కోన వెంకట్ క్రియేటివ్ ప్రొడ్యూసర్ గా వ్యవహరిస్తున్నారు. అవరామ్ భక్త మంచు సమర్పణలో 24 ప్రేమ్స్ ఫ్యాక్టరీ, అవ ఎంటర్ టైన్ మెంట్స్ బ్యానర్స్ పై విష్ణు మంచు ఈ సినిమాను నిర్మిస్తున్నారు.
ఆ మధ్య ఈ చిత్రానికి ‘జిన్నా’ పేరు పెట్టినప్పుడు బీజేపీతో సహా పలు హిందుత్వ సంస్థలు అభ్యంతరం వ్యక్తం చేశాయి. భారతదేశాన్ని విభజిస్తూ, పాకిస్తాన్ ఏర్పాటుకు కారణమైన జిన్నా పేరును ఈ చిత్రానికి పెట్టడంపై పలువురు విమర్శలు చేశారు. దానికి తోడు టైటిల్ మోషన్ పోస్టర్ లో ఏడు కొండల వెనక నుండి ‘జిన్నా’ పేరు రావడంపై విరుచుకు పడ్డారు. ఈ సినిమా పేరు మార్చాల్సిందేనని పట్టుబట్టారు. ఈ సినిమా క్రియేటివ్ ప్రొడ్యూసర్ కోన వెంకట్ మీడియాలో జరిగిన చర్చాగోష్టిలో పాల్గొన్నప్పుడు వారి అభ్యంతరాలను పరిశీలిస్తామని, అవసరమైతే విష్ణుకు చెప్పి పేరు మార్చుతామని అన్నారు. అయితే… పేరు మార్పు విషయంలో తగ్గేదే లే అంటున్నారు విష్ణు మంచు. ఈ విషయంపై వివరణ ఇవ్వడం మాట అటుంచి, జూలై 11న ‘జిన్నా’ మూవీ ఫస్ట్ లుక్ ను విడుదల చేయబోతున్నామని తెలిపారు. ఈ సందర్భంగా విడుదల చేసిన చిన్నపాటి అనౌన్స్ మెంట్ వీడియోలో హనుమంతుడిని తొలుత చూపించారు. ఆ పైన మూవీ ప్రీ లుక్ అండ్ ఫస్ట్ లుక్ ను 11వ తేదీ ఉదయం 10.22కి విడుదల చేయబోతున్నట్టు ప్రకటించారు. మరి టైటిల్ విషయంలో రాజీపడబోనంటున్న విష్ణు మంచుపై హిందుత్వ సంస్థలు ఎలా స్పందిస్తాయో చూడాలి.
Here goes…. #Ginna
First look out on 11th July 2022 at 10:22 a.m @starlingpayal @SunnyLeone @konavenkat99 @anuprubens @eeshaansuryaah #PremRakshith #ChotaKNaidu @Mee_Sunil #GaneshAcharya @PDdancing @avaentofficial @24FramesFactory pic.twitter.com/mVOnDP7Xck
— Vishnu Manchu (@iVishnuManchu) July 8, 2022