Genelia: స్టార్ హీరో సరసన ఛాన్స్ పట్టేసిన హా.. హా.. హాసిని
Genelia: బొమ్మరిల్లు సినిమాతో జెనీలియా తెలుగు అమ్మాయిగా మారిపోయింది. ఈ సినిమా తరువాత ఆమెను జెనీలియా అని కాదు.. హా.. హా.. హాసిని పిలుస్తున్నారు అంటే అతిశయోక్తి కాదు. తెలుగులో స్టార్ హీరోల సరసనే కాదు కుర్ర హీరోల సరసన నటించి మెప్పించిన ఈ ముద్దుగుమ్మ కెరీర్ పీక్స్ లో ఉన్నప్పుడే బాలీవుడ్ నటుడు రితేష్ దేశ్ ముఖ్ ను వివాహమాడి సినిమాలకు బ్రేక్ ఇచ్చింది. ఇక పెళ్లి తరువాత ఇద్దరు పిల్లలు.. వారి పెంపకం.. ఇలా ఏళ్ళు గడిచాయి. భార్యగా, తల్లిగా బాధ్యతలు నిర్వర్తిస్తూనే.. సోషల్ మీడియాలో అభిమానులను అలరిస్తూనే ఉంది. భర్త రితేష్ తో కలిసి ఆమె చేసిన రీల్స్.. ఏ రేంజ్ లో ఆకట్టుకున్నాయో ప్రత్యేకంగా చెప్పాల్సిన అవసరం లేదు. ఇక ఈ ఏడాది వేద్ అనే సినిమాతో జెనీలియా రీ ఎంట్రీ ఇచ్చింది. తెలుగులో మజిలీ రీమేక్ గా తెరకెక్కిన ఈ చిత్రం భారీ విజయాన్ని అందుకుంది. ఈ సినిమాకు రితేష్ నిర్మాతగా ఉండడం విశేషం. ఈ సినిమా తరువాత జెనీలియాకు వరుస ఆఫర్లు వస్తున్నాయి.
Unstoppable With NBK: మేము తప్పు చేయలేదు.. తల వంచం.. ప్రోమో అదిరింది
ఇక అందుతున్న సమాచారం ప్రకారం అమీర్ ఖాన్ కొత్త చిత్రం సితారే జమీన్ పర్. ఈ చిత్రంలో అమీర్ సరసన హీరోయిన్ గా జెనీలియా ఫిక్స్ అయినట్లు వార్తలు వినిపిస్తున్నాయి. ఇది కదా నిజమైతే.. జెనీలియా కెరీర్ వేరే లెవెల్ లో ఉండబోతుంది అని చెప్పొచ్చు. ఇద్దరు పిల్లల తల్లి అయినా కూడా జెనీలియా.. కుర్ర హీరోయిన్లకు పోటీ ఇచ్చే అందాన్ని మెయింటైన్ చేస్తుంది. ఇప్పుడు కూడా సీనియర్ హీరోల సరసన హీరోయిన్ గా ఛాన్స్ లు క్యూ కడుతున్నాయి అంటే మాములు విషయం కాదు అని అభిమానులు చెప్పుకొస్తున్నారు. మరి ఈ భామ ఈసారి ఎలాంటి విజయాన్ని అందుకుంటుందో చూడాలి.