Game on : చనిపోదామనుకున్న వ్యక్తి ఆడిన గేమే మా ‘గేమ్ ఆన్’

Game on Producer Ravi Kasturi Interview: క‌స్తూరి క్రియేష‌న్స్ అండ్ గోల్డెన్ వింగ్ ప్రొడ‌క్ష‌న్స్‌ బ్యాన‌ర్స్‌పై ర‌వి క‌స్తూరి నిర్మించిన మొదటి మూవీ గేమ్ ఆన్. గీతానంద్, నేహా సోలంకి జంట‌గా న‌టించిన ఈ చిత్రానికి దయానంద్ దర్శకత్వం వహించగా సీనియర్ నటులు మధుబాల, ఆదిత్య మీనన్, శుభలేఖ సుధాకర్ కీలక పాత్రలు పోషించారు. ఈ సినిమా ఫిబ్ర‌వ‌రి 2న ప్రపంచవ్యాప్తంగా విడుదలవుతోన్న సంద‌ర్భంగా నిర్మాత ర‌వి క‌స్తూరి సినిమా గురించి పలు విశేషాలు పంచుకున్నారు. ర‌వి మాట్లాడుతూ కాలేజీలో చదువుతున్నప్పటి నుంచే సినిమాలపై ఇంట్రెస్ట్ ఉండేది. గీతానంద్ హీరోగా, నేను నిర్మాతగా సినిమా చేయాలనుకున్నాం ఇప్పుడు మంచి కథ సెట్ అవ్వడంతో ఈ ప్రాజెక్ట్ స్టార్ట్ చేశామన్నారు.. ప్రీ ప్రొడక్షన్ కి టైం ఎక్కువ కేటాయించి అంతా పర్ఫెక్ట్ గా ఉండేలా ప్లాన్ చేసుకున్నామని, ఈ జర్నీలో చాలా ఎక్స్పీరియన్స్ వచ్చిందన్నారు. ఇదొక సైకలాజికల్ థ్రిల్లర్, రియల్ టైంలో సాగే కథకు కమర్షియల్ ఎలిమెంట్స్ జోడించామని అన్నారు. యాక్షన్, ఎమోషన్ తో పాటు ఫ్యామిలీ డ్రామా కూడా ఉంటుందని, జీవితాన్ని చాలించాలనుకునే ఓ వ్యక్తి దాన్ని ఎలా అధిగమించాడు అనేది గేమ్ థీమ్ లో చూపించామని అన్నారు.

Raviteja : కరైకుడికి రవితేజ-హరీష్ శంకర్

సినిమా ప్రారంభం నుంచి కాన్ఫిడెంట్ గానే ఉన్నామని పేర్కొన్న ఆయన నిర్మాతగా ఈ సినిమా నుంచి సహనంగా ఉండాలని నేర్చుకున్నానన్నారు. హీరో గీతానంద్ మా ఫ్రెండ్ కాబట్టి తనని ఎప్పటినుంచో చూస్తున్నా కచ్చితంగా తన పెర్ఫార్మెన్స్ తో ప్రేక్షకులను ఆకట్టుకుంటాడని అన్నారు. తన బ్రదర్ దయానంద్ కి డైరెక్టర్ గా ఫ్రీ హ్యాండ్ ఇచ్చానన్నారు, సినిమాలో నటించిన శుభలేఖ సుధాకర్ లాంటి మంచి మనిషిని నేను ఇప్పటివరకు చూడలేదు, సెట్లో చాలా సరదాగా ఉండేవారు. ఆదిత్య మీనన్ మంచి పర్ఫార్మర్, మధుబాలకి ఈ సినిమాతో సెకండ్ ఇన్నింగ్స్ స్టార్ట్ అవుతుందని అనిపిస్తుందని అన్నారు. ఫస్ట్ కాపీ చూసినప్పుడు చాలా హ్యాపీగా ఫీలయ్యా. ప్రేక్షకులు కూడా థ్రిల్ అవుతారని అన్నారు.. ఆస్ట్రేలియాలో వ్యాపారాలు చేస్తూ సినిమా చూసుకోవడం కాస్త ఛాలెంజింగ్ గానే అనిపించిందని పేర్కొన్న ఆయన ఇక్కడ పెద్ద సినిమా, చిన్న సినిమా అని రెండే క్యాటగిరిలు ఉన్నాయి. నాకు మాత్రం కంటెంట్ పై పూర్తి నమ్మకం ఉంది. ఇకపై నిర్మాతగా కొనసాగాలనుకుంటున్నా, ఈ సినిమా ఎక్స్పీరియన్స్ నాకు మరో పది సినిమాలకు ఉపయోగపడుతుందన్నారు. ఇప్పటికే రెండు కథలు విన్నా ఈ సినిమా రిలీజ్ అయ్యాక వాటిని అనౌన్స్ చేస్తానని ఆయన అన్నారు.