Game on: అన్న హీరో, తమ్ముడు డైరెక్టర్.. ఫ్రెండ్ నిర్మాత.. నరాలు తెంపే ఉత్కంఠతో రియల్ లైఫ్ గేమ్
Game on Movie Director Dayanand Interview: కస్తూరి క్రియేషన్స్ అండ్ గోల్డెన్ వింగ్ ప్రొడక్షన్స్ బ్యానర్స్పై రవి కస్తూరి నిర్మించిన గేమ్ ఆన్ సినిమా ఫిబ్రవరి 2న ప్రపంచవ్యాప్తంగా విడుదలవుతోంది. . గీతానంద్, నేహా సోలంకి జంటగా నటించిన ఈ సినిమాకి దయానంద్ దర్శకత్వం వహించారు. ఈ సినిమా హీరోకి దర్శకుడు తమ్ముడు కాగా నిర్మాత స్నేహితుడు కావడం గమనార్హం. సీనియర్ నటి మధుబాల, ఆదిత్య మీనన్, శుభలేఖ సుధాకర్ కీలక పాత్రలు పోషించిన ఈ సినిమా ప్రమోషన్స్ లో భాగంగా దర్శకుడు దయానంద్ పలు విశేషాలు పంచుకున్నారు. స్కూల్ డేస్ నుంచి సినిమాలపై ఇంట్రెస్ట్ ఉండేది, హ్యాపీ డేస్ సినిమా చూశాక అది మరింత ఎక్కువైంది. ఏం మాయ చేసావే సినిమా చూశాక మేకింగ్ నేచురల్ గా చేయవచ్చు అనిపించింది.
Poorna: పూర్ణతో ఎఫైర్ అంటగడుతున్నారు.. డైరెక్టర్ బోల్డ్ కామెంట్స్
పూరి జగన్నాథ్ స్ఫూర్తితో డైరెక్టర్ కావాలనుకున్నా షార్ట్ ఫిలిమ్స్ కొన్ని చిత్రీకరించి తర్వాత అన్నపూర్ణ ఫిలిం స్కూల్లో ఆరు నెలల కోర్స్ చేశా, అక్కడే ప్రొడక్షన్, సౌండింగ్ గురించి నేర్చుకున్నా, కొంతమంది రైటర్స్ తో ట్రావెల్ చేశాక మంచి కథ రాయాలనిపించింది. అయితే రెగ్యులర్ కమర్షియల్ సినిమాలా కాకుండా.. అన్నీ ఉంటూనే డిఫరెంట్ గా ఉండాలనుకున్నా. మొదటి చిత్రంతోనే నా మార్క్ ఉండేలా ప్రయత్నించా, చచ్చిపోదాం అనుకునే వ్యక్తి జీవితంలోకి ఒక గేమ్ ప్రవేశిస్తే అతని జీవితం ఎలా మారింది అనేది సినిమాటిక్ గా చూపించాం. ఒక్కొక్క టాస్క్ దాటుకుంటూ ముందుకు వెళ్తాడు. ఇలాంటి టాస్క్ లు తొమ్మిది ఉంటాయి. సెకండాఫ్ లో వచ్చే టాస్క్ చాలా ఆసక్తికరంగా ఉంటుంది, ఒక ట్రోమాలోకి వెళ్ళిపోయిన వ్యక్తికి ఈ గేమ్ ఏ విధంగా హెల్ప్ చేసిందనేది మెయిన్ కాన్సెప్ట్ అని అన్నారు. ఈ సినిమా రా అండ్ రస్టిక్ గా ఉంటుంది, యూత్ ను ఎట్రాక్ట్ చేస్తూనే ఫ్యామిలీ ఎమోషన్స్ కూడా చాలా ఉంటాయి. వాటిని టీజర్, ట్రైలర్ లో రివీల్ చేయలేదు. మధుబాల గారి క్యారెక్టర్ చాలా కొత్తగా, ఐకానిక్ గా ఉంటుంది.