Gaandeevadhari Arjuna Release Date: మెగా హీరోల క్యాంప్ నుంచి వచ్చినా కెరీర్ ప్రారంభం నుంచి వైవిధ్యమైన సినిమాలు చేస్తూ తనదైన గుర్తింపు సంపాదించుకున్న హీరో మెగా ప్రిన్స్ వరుణ్ తేజ్. గని సినిమాతో ప్రేక్షకులను పలకరించిన ఆయన తనదైన శైలిలో మరోసారి మరో డిఫరెంట్ మూవీతో ప్రేక్షకుల ముందుకు రాబోతున్నారు. ఆ సినిమా పేరు ‘గాంఢీవధారి అర్జున’. స్టైలిష్ ఫిల్మ్ మేకర్ ప్రవీణ్ సత్తారు దర్శకత్వంలో తెరకెక్కుతోన్న ఈ చిత్రంలో వరుణ్ తేజ్ పక్కా యాక్షన్ మోడ్లో ఆకట్టుకోబోతున్నారని టాక్ వినిపిస్తోంది. ఏజెంట్ బ్యూటీ సాక్షి వైద్య హీరోయిన్గా నటిస్తున్న ఈ సినిమాను భారీ బడ్జెట్తో ఎస్వీసీసీ పతాకంపై బి.వి.ఎస్.ఎన్.ప్రసాద్, బాపినీడు ఈ చిత్రాన్నినిర్మిస్తున్నారు. షూటింగ్ పూర్తి చేసుకున్న ఈ సినిమాకి సంబందించిన పోస్ట్ ప్రొడక్షన్ పనులు ప్రస్తుతం శరవేగంగా జరుగుతున్నాయి.
Vijay- Hatya: విజయ్ ఆంటోనీ ‘హత్య’ కోసం ఎదురు చూస్తున్న అభిమానులు
ఇక ఈ ఈ యాక్షన్ ఎంటర్టైనర్ను ఆగస్ట్ 25న గ్రాండ్ లెవల్లో విడుదల చేస్తున్నారు. వరుణ్తేజ్ కెరీర్లో అత్యంత భారీ చిత్రంగా.. యూరోపియన్ దేశాలతో పాటు యు.ఎస్.ఎలోనూ షూటింగ్ చేశారు. ఇక ‘గాంఢీవధారి అర్జున’ షూటింగ్ పూర్తయిన విషయాన్ని తెలియజేస్తూ మేకర్స్ ఓ పోస్టర్ను విడుదల చేయగా అందులో వరుణ్ తేజ్ చాలా స్టైలిష్గా కనిపిస్తున్నారు. చేతిలో గన్ పట్టుకుని నిలుచుని ఉన్న వరుణ్తేజ్ ఈ సినిమాలో సెక్యూరిటీ ఆఫీసర్గా కనిపిస్తారని అంటున్నారు. అత్యంత ప్రమాదకరమైన పరిస్థితుల నుంచి ప్రజలను వరుణ్ ఎలా కాపాడాడు, అందుకు అతని స్ట్రాటజీస్ ఏంటి? అనేది తెలుసుకోవాలంటే ఆగస్ట్ 25 వరకు ఆగాల్సిందేనంటున్నారు దర్శక నిర్మాతలు. మిక్కీ జె.మేయర్ సంగీతాన్ని అందిస్తున్న ఈ సినిమాకి ముఖేష్ సినిమాటోగ్రఫీ, అవినాష్ కొల్ల ఆర్ట్ వర్క్ అందిస్తున్నారు.
