F3: అధ్యక్షా.. లైఫ్ అంటే మినిమమ్ ఇట్లా ఉండాలా..

విక్టరీ వెంకటేష్, మెగా ప్రిన్స్ వరుణ్ తేజ్ హీరోలుగా అనిల్ రావిపూడి దర్శకత్వం లో తెరకెక్కిన చిత్రం ఎఫ్3. శ్రీ వేంకటేశ్వర క్రియేషన్స్ పతాకంపై దిల్ రాజు సమర్పణలో శిరీష్ నిర్మిస్తున్నఈ చిత్రం మే 27 న రిలీజ్ కు సిద్ధంగా ఉంది. ఇక ఇప్పటివరకు ఈ సినిమా నుంచి రిలీజైన ట్రైలర్, సాంగ్స్ ప్రేక్షకులను విశేషంగా ఆకట్టుకున్నాయి. ఇక తాజగా ఈ సినిమాలోని స్పెషల్ సాంగ్ ను మేకర్స్ రిలీజ్ చేశారు. ఈ స్పెషల్ సాంగ్ లో స్టార్ హీరోయిన్ పూజా హెగ్డే నటిస్తున్న విషయం విదితమే.  ‘లైఫ్ అంటే మినిమమ్ ఇట్లా ఉండాలా.. ‘ అంటూ సాగిన ఈ సాంగ్ పార్టీ ఆఫ్ ది ఇయర్ గా నిలిచిపోతుందని మేకర్స్ తెలిపారు.

ఇక ఈ సాంగ్ లో పూజా, వరుణ్, వెంకీ మామ ల డాన్స్ అదిరిపోయింది. కాసర్ల శ్యామ్ సాహిత్యం అందించిన  ఈ పాటను రాహుల్ సిప్లిగంజ్ మరియు గీతా మాధురి  హై పిచ్ తో ఆలపించారు. స్పైసీ సైరన్ పూజా హెగ్డే ఈ పాటలో గ్లామర్ విందును అందిస్తోంది. డబ్బు ఉంటె మనిషి లైఫ్ ఎలా ఉంటుంది అనే విధంగా లిరిక్స్ అన్ని క్యాచీగా ఉన్నాయి. ఇక దేవి శ్రీ ప్రసాద్ సంగీతం అందించిన ఈ సాంగ్ కు ప్రముఖ కొరియోగ్రాఫర్ రాజు సుందరం తనదైన స్టైల్లో సిగ్నేచర్ స్టెప్స్ ను అందించాడు. ప్రస్తుతం ఈ సాంగ్ యూట్యూబ్ ను షేక్ చేస్తోంది. ఇక వీడియో చివర్లో దర్శకుడు అనిల్ రావిపూడి కూడా స్టెప్స్ వేయడం ఆకట్టుకొంటుంది. ఇక ఈ చిత్రంలో  తమన్నా భాటియా, మెహ్రిన్ లు హీరోయిన్స్ గా నటిస్తున్నారు. మరి ఈ సినిమాతో ఈ టీమ్ ఎలాంటి హిట్ ను అందుకుంటుందో చూడాలి.