Divija Prabhakar: సోషల్ మీడియా సెన్సేషన్, యంగ్ అండ్ టాలెంటెడ్ హీరోయిన్ దివిజ ప్రభాకర్ తాజాగా ఎన్టీవీ ఇంటర్వ్యూలో పాల్గొని తన లైఫ్ స్టైల్, సంపాదన, మిడిల్ క్లాస్ వాల్యూస్ గురించి ఆసక్తికర వ్యాఖ్యలు చేశారు. తాను ఈ జనరేషన్లో పుట్టినందుకు చాలా గర్వంగా ఉందంటూనే, మెంటల్గా తానొక పాతకాలపు మనిషినని చెప్పుకొచ్చింది. ఈ సందర్భంగా ఆమె మాట్లాడుతూ.. “ఈ జనరేషన్లో ఉన్న టెక్నాలజీ, ఎక్స్పోజర్, సోషల్ మీడియా చూస్తుంటే జెన్జీగా పుట్టినందుకు చాలా గ్రేట్ఫుల్గా అనిపిస్తుంది. కానీ, నేను మెంటల్గా చాలా ఓల్డ్ స్కూల్ (పాతకాలపు) మనిషిని. ఎంత పాతకాలం అంటే.. నా చాదస్తం చూసి మా మమ్మీ, డాడీ నన్ను ‘ముసల్దానా’ అని పిలుస్తుంటారు. నా డిజైనర్ కూడా నువ్వు ముసల్దానిలా మాట్లాడతావేంటి అంటుంటారు. అయినా సరే ఐ యామ్ ఏ ప్రౌడ్ జెన్జీ” అంటూ చెప్పుకొచ్చింది.
తన ఫ్యామిలీ బ్యాక్గ్రౌండ్ గురించి చెప్తూ.. “మాది కోర్ మిడిల్ క్లాస్ లేదా అప్పర్ మిడిల్ క్లాస్ ఫ్యామిలీ వాల్యూస్ ఉన్న కుటుంబం. మాకు కావాల్సినవన్నీ ఇస్తూ మా నాన్న నన్ను, మా అన్నయ్యను చాలా కంఫర్టబుల్గా పెంచారు. కష్టాలనేవి మా వరకు రానివ్వలేదు. కానీ, ఎప్పుడైతే నేను సినిమాల్లోకి వచ్చి సొంతంగా సంపాదించడం మొదలుపెట్టానో.. అప్పుడు నాకు బడ్జెటింగ్ అంటే ఏంటో తెలిసింది. సొంత డబ్బులు ఖర్చవుతుంటే అబ్బా ఇంత ఖర్చు పెట్టేస్తున్నామా అనిపించి అనవసర లగ్జరీలను తగ్గించుకున్నా. ఇప్పుడు ఫ్రెండ్స్తో బయటికెళ్లినా బిల్లు స్ప్లిట్ (షేర్) చేసుకుంటాం” అని రియాలిటీని పంచుకుంది.
తనకున్న సినిమా పిచ్చి గురించి చెబుతూ.. “నాకు సినిమాలు చూడటం అంటే పిచ్చి. ఏ సినిమా వచ్చినా ఫస్ట్ డే లేదా ప్రీమియర్ షో చూసేయాల్సిందే. ఎవరూ రాకపోతే ఒంటరిగానైనా థియేటర్కు వెళ్ళిపోతా. అందుకే మా మమ్మీ ఎప్పుడూ నన్ను తిడుతూ ఉంటుంది.. ‘నువ్వు ఇప్పటివరకు సినిమా టికెట్లకు, థియేటర్లలో పాప్కార్న్కు పెట్టిన ఖర్చంతటా దాచి ఉంటే.. ఈపాటికి మనం ఇంకో చిన్న ఇల్లు కొనేవాళ్లం అని అంటుంది” అని చెప్పుకొచ్చింది. డైట్లో ఉన్నప్పుడు పాప్కార్న్ తినాల్సి వస్తే ఆ రోజు లంచ్ లేదా బ్రేక్ఫాస్ట్ మానేసి బ్యాలెన్స్ చేస్తానని క్రేజీ సీక్రెట్ చెప్పింది. ప్రస్తుతం నటిగా, ఇన్ఫ్లుయెన్సర్గా బిజీగా ఉన్న ఈ బ్యూటీ.. త్వరలోనే బిజినెస్ ఉమెన్గా మారబోతున్నట్లు హింట్ ఇచ్చింది. “నేను బిజినెస్ స్టూడెంట్ని. అందుకే నాకు అంట్రప్రెన్యూర్షిప్ (వ్యాపారం) అంటే చాలా ఇష్టం. ఫ్యూచర్లో కచ్చితంగా బిజినెస్ వైపు అడుగులు వేస్తా” అని క్లారిటీ ఇచ్చింది.
