Amani: దిల్ రాజు చేతుల మీదుగా ‘నారి’ సినిమా ట్రైలర్ రిలీజ్..

టాలీవుడ్ సీనియర్ హీరోయిన్ ఆమని గురించి పరిచయం అక్కర్లేదు. దాదాపు చిరంజీవి బాలక‌ృష్ణ వంటి స్టార్స్ అందరితో జతకట్టి తనకంటు మంచి గుర్తింపు సంపాదించుకుంది. ప్రజంట్ బుల్లితెరపై పలు సీరియల్స్ లో నటిస్తుంది. అలాగే ప్రాధాన్యత పాత్రలు ఎంచుకుంటూ మంచి మంచి సినిమాలు చేస్తోంది. ఇక ఇప్పుడు తాజాగా ‘నారి’ మూవీతో ప్రేక్షకుల ముందుకు రాబోతుంది ఆమని. వికాస్ వశిష్ట, మౌనిక రెడ్డి, ప్రగతి, సునయన, కేదార్ శంకర్, ప్రమోదిని, తదితరులు కీలక పాత్రలో నటించిన ఈ సినిమా ..మహిళల్ని గౌరవించాలి, ఆడపిల్లలు అన్ని రంగాల్లో ఎదిగేందుకు సహకరించాలి అనే కాన్సెప్ట్ తో రాబోతుంది. సూర్య వంటి పల్లి దర్శకత్వంలో తెరకెక్కుతున్న ఈ చిత్రాన్ని ప్రొడ్యూసర్ శ్రీమతి శశి వంటి పల్లి నిర్మించారు. ఇక ఈ సినిమా మహిళా దినోత్సవం సందర్భంగా మార్చి 7న గ్రాండ్ థియేట్రికల్ రిలీజ్ కు రెడీ అవుతోంది. దీంతో ఈరోజు ఈ సినిమా ట్రైలర్‌ను స్టార్ ప్రొడ్యూసర్ దిల్ రాజు చేతుల మీదుగా రిలీజ్ చేశారు.

Also Read: Odela 2: వెన్నులో వణుకు పుట్టిస్తున్న ఓదెల‌2 టీజ‌ర్

ఇందులో భాగంగా దిల్ రాజు మాట్లాడుతూ.. ‘మహిళల గురించి ఒక మంచి కథతో ‘నారి’ సినిమాను రూపొందించారు. ట్రైలర్ చాలా బాగుంది. కొత్త ప్రొడ్యూసర్, డైరెక్టర్ ఇలాంటి మంచి ప్రయత్నం చేయడం సంతోషకరం. ఆమని గారు ‘మావిచిగురు’, ‘శుభలగ్నం’ లాంటి మూవీస్‌తో తెలుగు ప్రేక్షకులకు గుర్తుండిపోయారు. అలాగే మా సంస్థలో ఎంసీఏ, శ్రీనివాస కళ్యాణం మూవీస్ లో నటించారు. ‘నారి’ సినిమాను ప్రేక్షకుల దగ్గరకు తీసుకెళ్లాలని ఈ టీమ్‌కు సజెస్ట్ చేస్తున్నా. ఈ సినిమా గొప్ప విజయం సాధించాలని కోరుకుంటూ టీమ్ అందరికీ ఆల్ ది బెస్ట్’ అన్నాడు.

ఇక ఆమని మాట్లాడుతూ.. ‘ఈ రోజు మా ‘నారి’ మూవీ ట్రైలర్ దిల్ రాజు గారి చేతుల మీదుగా రిలీజ్ చేసుకోవడం సంతోషంగా ఉంది. వాళ్ల బ్యానర్ లో నేను శ్రీనివాస కల్యాణం, ఎంసీఏ వంటి మూవీస్ చేశాను. అప్పటి నుంచి బిజీగా ఉంటున్నాను. వారి బ్యానర్ లో మరిన్ని మూవీస్ చేయాలనుకుంటున్నాను. ‘నారి’ సినిమా మహిళల గొప్పతనం చెప్పేలా మా దర్శకుడు సూర్య వంటిపల్లి రూపొందించారు. ఈ మూవీలో ఇంత మంచి రోల్ చేసే అవకాశం ఇచ్చిన సూర్య గారికి థాంక్స్. ప్రతి మహిళ చూడవలసిన చిత్రమిది. మహిళ జీవితంలో పుట్టినప్పటినుంచి అన్నీ కష్టాలే. అది అర్థం చేసుకున్న వాళ్ళు కొద్దిమందే ఉంటారు. ఇక ఈ రోజు సమాజంలో మహిళలకు జరుగుతున్న అన్యాయాలను ప్రశ్నిస్తుంది ఈ మూవీ. నేను ఈ క్యారెక్టర్ లో ఎంతో ఇన్వాల్వ్ అయి నటించాను. మహిళా దినోత్సవం సందర్భంగా మార్చి 7న రిలీజ్ అవుతున్న మా సినిమాను మీరంతా థియేటర్స్ లో చూసి సపోర్ట్ చేస్తారని కోరుకుంటున్నాం’ అని తెలిపింది.