Dil Raju : కొడుకు కోసం రంగంలోకి దిల్ రాజు.. హిట్ డైరెక్టర్ తో సినిమా ఫిక్స్

సినిమా చూపిస్తా మావ, నేను లోకల్, హలో గురు ప్రేమ కోసమే, ధమాకా వంటి సూపర్ హిట్ సినిమాలను అందించిన త్రినాధ్ రావు నక్కిన ఇటీవల మజాకాతో మరో హిట్ కొట్టాడు. ఓ వైపు ఈ సినిమా థియేటర్ లో ఉండగానే ఈ బ్లాక్ బస్టర్ దర్శకుడు త్రినాధ రావు నక్కిన తన తదుపరి సినిమాను లైన్ లో పెట్టాడు. అందుకోసం ఈ సారి దిల్ రాజు కాంపౌండ్ లో అడుగుపెట్టాడు నక్కిన. గతంలో వీరి కాంబోలో హలొ గురు ప్రేమ కోసమే వంటి హిట్ సినిమా వచ్చింది.

Also Read : The RajaSaab : చివరిదశ షూటింగ్ లో రాజాసాబ్.. రిలీజ్ డౌటే..?

దాదాపు 7 ఏళ్ల గ్యాప్ తర్వాత మరోసారి ఈ కాంబో సెట్ అయింది.  దిల్ రాజు తమ్ముడి కొడుకు ఆశిష్ ను హీరోగా నిలిపేందుకు కష్టపడుతున్నాడు దిల్ రాజు. ఈ హీరో నటించిన రౌడీబాయ్స్ అంతగా ఆకట్టుకోలేదు, లవ్ మీ కూడా ఫ్లాప్ గా మిగిలింది. సెల్ఫిష్ అనే మరో సినిమా స్టార్ట్ చేసి అవుట్ ఫుట్ సరిగా లేదని అలా పక్కన పెట్టేసాడు దిల్ రాజు. ఈ నేపధ్యంలో ఆశీష్ కు ఎలాగైనా హిట్ ఇవ్వాలని కమర్షియల్ ఎంటర్టైనర్ సినిమాల స్పెషలిస్ట్ త్రినాధ రావుకు ఆ భాద్యతలు అప్పగించారు దిల్ రాజు. అయితే నక్కిన త్రినాధ రావు సినిమా అంటే బెజవాడ ప్రసన్న కథ అందించాల్సిందే. కానీ ఈ సినిమాకు మాత్రం బెజవాడ ప్రసన్నను పక్కన పెట్టేసారు. ఆశిష్ చేసే సినిమాకు స్టార్ దర్శకుడు హరీష్ శంకర్ కథ అందిస్తున్నాడు. మరి హరీష్ కథతో ఆశిష్ కు నక్కిన హిట్ అందిస్తాడో లేదో.