NBK : జైలర్ 2 కోసం బాలయ్య అంత తీసుకున్నాడా..?

సూపర్ స్టార్ రజనీకాంత్ హీరోగా 2023లో వచ్చిన చిత్రం జైలర్. నెల్సన్ దిలీప్ కుమార్ దర్శకత్వం వహించిన ఈ సినిమా బ్లాక్ బస్టర్ హిట్ గా నిలిచింది. మోహన్ లాల్, శివరాజ్ కుమార్, జాకీ ష్రాఫ్ క్యామియోలు చేసిన ఈ సినిమా బ్లాక్ బస్టర్ టాక్ తో పాటు వసూళ్ల పరంగాను అదరగొట్టింది. వరల్డ్ వైడ్ గా రూ. 600 కోట్లకు పైగా గ్రాస్ కలెక్షన్స్ రాబట్టి రజనీ స్టామినా ఏంటో మరోసారి ప్రూఫ్ చేసింది జైలర్.

Also Read : Tollywood : మేమంటే మేము అన్నారు.. మిడ్ రేంజ్ సినిమాకు సైడ్ ఇచ్చారు

కాగా ఇప్పుడు ఈ జైలర్ కు సీక్వెల్ గా జైలర్ 2 ను తెరకెక్కిస్తున్నాడు దర్శకుడు నెల్సన్.  ఈ సినిమాలో టాలీవుడ్ మాస్ సూపర్ స్టార్ నందమూరి బాలకృష్ణ నటించబోతున్నాడు. త్వరలో అందుకు సంబంధించి అధికారక ప్రకటన కూడా రాబోతుందని చెన్నై వర్గాల టాక్. అయితే ఈ కోసం బాలయ్య ఏకంగా రూ. 50 కోట్లు తీసుకున్నాడని తమిళ మీడియా కోడై కూస్తోంది. అదే నిజమైతే ఇది భారీ రెమ్యునరేషన్ అనే చెప్పాలి. ఈ  సినిమాలో బాలయ్య పవర్ఫుల్ పోలీస్ ఆఫీసర్ పాత్రలో ఓ క్యామియోలో కనిపించబోతున్నాడట. కేవలం 20 నిముషాలు మాత్రమే ఉండే ఈ రోల్ మాస్ ఆడియెన్స్ కు గూస్ బమ్స్ తెప్పిస్తుందని, రజిని స్టైల్ బాలయ్య మాస్ అప్పీరియన్స్ సినిమాను మరో స్థాయిలో నిలబెడతాయని యూనిట్ భావిస్తోంది. బాలయ్య తో పాటు మలయాళ స్టార్ హీరో ఫహాద్ ఫజిల్‌ను కూడా జైలర్ 2 కోసం తీసుకున్నాడట నెల్సన్. అవుట్ అండ్ అవుట్ యాక్షన్ ఎంటర్టైనర్ గా తెరకెక్కుతున్న జైలర్ 2 ను సన్ పిచ్చర్స్ బ్యానర్ పై కళానిధి మారన్ నిర్మిస్తున్నారు.