Devdatta Nage Playing Kamsaraju Role In Ashok Galla Second Movie First Look Released:’హీరో’ సినిమాతో గ్రాండ్ గా డెబ్యూ చేసిన సూపర్ స్టార్ కృష్ణ మనవడు, సూపర్ స్టార్ మహేష్ బాబు మేనల్లుడు అశోక్ గల్లా తన రెండో సినిమా ‘గుణ 369’ ఫేమ్ అర్జున్ జంధ్యాల దర్శకత్వంలో చేస్తున్నారు. #Ashok Galla2 పేరుతో సంభోదిస్తున్న ఈ సినిమాకి క్రియేటివ్ డైరెక్టర్ ప్రశాంత్ వర్మ కథ అందించారు. లలితాంబిక ప్రొడక్షన్స్ ప్రొడక్షన్ నంబర్ 1గా ఎన్నారై ఫిల్మ్ డిస్ట్రిబ్యూటర్ సోమినేని బాలకృష్ణ ఈ సినిమాను నిర్మిస్తున్నారు. కె సాగర్ సహ నిర్మాతగా నల్లపనేని యామిని సమర్పిస్తున్నారు. ఇప్పటికే విడుదలైన ఈ సినిమా ప్రమోషనల్ కంటెంట్ తో మంచి రెస్పాన్స్ వచ్చింది. తాజాగా మేకర్స్ ఈ సినిమాలో విలన్ గా నటిస్తున్న ఆదిపురుష్ ఫేమ్ దేవదత్త నాగే ఫస్ట్ లుక్ ని విడుదల చేశారు. ఆదిపురుష్ సినిమాతో పాన్ ఇండియా లెవల్లో మెరిసిన దేవదత్త నాగే ఈ సినిమాలో కంసరాజు అనే పవర్ ఫుల్ పాత్రలో కనిపించబోతున్నారు.
Narakasura: నిందాస్తుతిలో శివుడ్ని ప్రశ్నిస్తున్న పలాస హీరో
ఇక తాజాగా ఫస్ట్ లుక్ రిలీజ్ చేయగా అందులో కత్తి పట్టుకుని చాలా వయలెంట్ గా కనిపించారు ఆయన. ఇక ఆదిపురుష్ సినిమా పెద్దగా వర్కౌట్ కాకపోవడంతో ఈ సినిమా ఎంతవరకు వర్కౌట్ అవుతుందో చూడాలి. మహేష్ మేనల్లుడు ఆయనకు ఎంతవరకు పనికి వస్తాడో. ఇక ఆ సంగతి పక్కన పెడితే అశోక్ గల్లా కు జోడిగా మిస్ ఇండియా 2020 మానస వారణాసి హీరోయిన్ గా నటిస్తోంది. అలాగే ఈ సినిమాకు టాప్ టెక్నీషియన్స్ పని చేస్తున్నారు. ధమాకా, బలగం లాంటి సినిమాలకు బ్లాక్ బస్టర్ మ్యూజిక్ అందించిన కంపోజర్ భీమ్స్ సిసిరోలియో సంగీతం అందిస్తుండగా, ప్రసాద్ మూరెళ్ల సినిమాటోగ్రాఫర్ గా తమ్మిరాజు ఎడిటర్ గా వ్యవహరిస్తున్నారు. బుర్రా సాయిమాధవ్ డైలాగ్స్ అందిస్తున్న ఈ సినిమా టైటిల్ ని రిలీజ్ చేసి టీజర్ ను రిలీజ్ డేట్ ను కూడా అనౌన్స్ చేయనున్నారు మేకర్స్.