యంగ్ టైగర్ ఎన్టీఆర్ జనతా గ్యారేజ్ కాంబినేషన్ ని రిపీట్ చేస్తూ కొరటాల శివ చేస్తున్న సినిమా దేవర. రెండు పార్ట్స్ గా తెరకెక్కుతున్న ఈ సినిమా నుంచి మొదటిభాగం ఏప్రిల్ 5న రిలీజ్ కానుంది. మోషన్ పోస్టర్, ఫస్ట్ లుక్ పోస్టర్ ని మాత్రమే దేవర నుంచి బయటకి వచ్చిన ప్రమోషనల్ కంటెంట్. ఈ రెండు తప్ప దేవర నుంచి అఫీషియల్ గా చిన్న గ్లిమ్ప్స్ కూడా రిలీజ్ చెయ్యలేదు. షూటింగ్ అప్డేట్ ని మాత్రం ఎప్పటికప్పుడు తెలియజేస్తూ జెట్ స్పీడ్ లో దేవర షూటింగ్ ని చేస్తున్నాడు కొరటాల శివ. ఎక్కువ శాతం విజువల్ ఎఫెక్ట్స్ తో కూడిన యాక్షన్ సీక్వెన్స్ లు ఉండడంతో ముందుగా దేవర ఫైట్ సీన్స్ ని షూట్ చేసాడు కొరటాల శివ. ఇప్పుడు ఎన్టీఆర్ అండ్ ఇతర కాస్టింగ్ తో టాకీ పార్ట్, సాంగ్స్ ని షూట్ చేస్తున్నాడు. ప్రస్తుతం షెడ్యూల్ బ్రేక్ లో ఉన్న దేవర సినిమా త్వరలో రామోజీ ఫిల్మ్ సిటీలో కొత్త షెడ్యూల్ స్టార్ట్ అవ్వనుంది.
దేవర నుంచి న్యూ ఇయర్ గిఫ్ట్ గా టీజర్ బయటకి వస్తుంది అనే టాక్ సోషల్ మీడియాలో వినిపిస్తోంది. అఫీషియల్ న్యూస్ కాకపోయినా ఎన్టీఆర్ ఫ్యాన్స్ మాత్రం టీజర్ జనవరి 1న రిలీజ్ అవుతుంది అనే హోప్ లో ఉన్నారు. గత రెండు మూడు రోజులుగా టీజర్ త్వరలో రిలీజ్ అవుతోంది అనే వార్త ఎక్కువగా వినిపిస్తూ ఉండడంతో… ఎన్టీఆర్ ఫ్యాన్స్ సోషల్ మీడియాలో టీజర్ రిలీజ్ డేట్ చెప్పండి అంటూ కొరటాల శివని, ఎన్టీఆర్ ఆర్ట్స్ ని, యువ సుధా ఆర్ట్స్ కి ట్యాగ్ చేసి ట్వీట్స్ చేస్తున్నారు. అయితే ఇలా గతంలో ఒకసారి దేవర అప్డేట్ చెప్పండి అంటే ఎన్టీఆర్ రెస్పాండ్ అయ్యి అప్డేట్ ఉంటే తప్పకుండా చెప్తాము అంటూ ఫ్యాన్స్ కి స్వీట్ వార్నింగ్ ఇచ్చినంత పని చేసాడు. సో దేవర టీజర్ న్యూ ఇయర్ ని రిలీజ్ చెయ్యాలి అని కొరటాల శివ, ఎన్టీఆర్ లు అనుకుంటే… ముందు టీజర్ కట్ ని లాక్ చేస్తారు. ఆ తర్వాత టీజర్ రిలీజ్ డేట్ ని అఫీషియల్ గా అనౌన్స్ చేస్తారు. అప్పటివరకూ అందరు వెయిట్ చేస్తూ ఉండాల్సిందే.