‘మేజర్’ మ్యూజిక్ రైట్స్ ఎవరికంటే….
- Follow Us :
-
-
Add as a preferred
source on google
అడివి శేష్ హీరోగా నటించిన ‘మేజర్’ చిత్రం వచ్చే యేడాది ఫిబ్రవరి 11న వరల్డ్ వైడ్ రిలీజ్ కాబోతోంది. మూడు భాషల్లో తెరకెక్కిన ఈ మూవీ మొత్తంగా 120 రోజుల పాటు షూటింగ్ జరుపుకుంది. 75 లొకేషన్లలో షూటింగ్ చేయగా ఎనిమిది సెట్లు ప్రత్యేకంగా నిర్మించారు. మేజర్ సందీప్ ఉన్నికృష్ణన్ జీవిత చరిత్ర ఆధారంగా ఈ సినిమాను తెరెక్కిస్తున్నారు. 26/11 దాడుల్లో ఆయన చూపించిన తెగువ, ధైర్య సాహసాలు మాత్రమే కాకుండా ఆయన జీవితంలోని ప్రతీ ఒక్క ఘటనను చూపించబోతున్నారు.
ఆయన ఏ స్ఫూర్తితో జీవించారు.. ఎలా మరణించారు అనేవి అందరినీ కట్టిపడేసేలా దర్శకుడు శశికిరణ్ తిక్కా తెరకెక్కించాడు. శోబితా ధూళిపాళ్ల, సాయీ మంజ్రేకర్ కీలక పాత్రలు పోషించిన ఈ సినిమాను మహేష్ బాబు జీఎంబీ ఎంటర్టైన్మెంట్స్, ఏ ప్లస్ ఎస్ మూవీస్, సోనీ పిక్చర్స్ సంయుక్తంగా కలిసి ఈ చిత్రాన్ని నిర్మిస్తున్నాయి. తాజాగా ఈ మూవీ ఆడియో వరల్డ్ వైడ్ రైట్స్ ను జీ మ్యూజిక్ కంపెనీ సొంతం చేసుకుందని అడివి శేష్ తెలిపారు. ఈ చిత్రానికి శ్రీచరణ్ పాకాల సంగీతం అందించారు.