VishwakSen : మెకానిక్ రాకి ప్రమోషన్స్ దాస్ కా ‘మాస్ ప్లానింగ్’

వరుస హిట్లతో స్వింగ్ లో ఉన్న మాస్ కా దాస్ విశ్వక్ సేన్ మాస్ యాక్షన్ మరియు కామెడీ ఎంటర్‌టైనర్ మెకానిక్ రాకీతో రాబోతున్నాడు. నూతన దర్శకుడు రవితేజ ముళ్లపూడి ఈ చిత్రానికి దర్శకత్వం వహించాడు. రామ్ తాళ్లూరి తన బ్యానర్ SRT ఎంటర్‌టైన్‌మెంట్స్‌పై ఈ సినిమాను భారీ బడ్జెట్ పై నిర్మించాడు.విశ్వక్ సేన్, మీనాక్షి చౌదరి మరియు శ్రద్ధా శ్రీనాథ్ మధ్య ట్రయాంగిల్ లవ్ నేపథ్యంలో వస్తున్న మెకానిక్ రాకి ట్రైలర్ 1.O అద్భుత స్పందన రాబట్టింది. షూటింగ్ ఫినిష్ చేసుకున్న ఈ సినిమా నవంబరు 22న రిలీజ్ కానుంది.

Also Read : SK : శివకార్తికేయన్ లైనప్ చూస్తే మతిపోవాల్సిందే..

మరొకొద్దీ రోజుల్లో రిలీజ్ కానున్న ఈ సినిమా ప్రమోషన్స్ లో కాస్త వెనుకబడింది అనే విశ్వక్ ఫ్యాన్స్ ఎప్పటి నుండో వాపోతున్నారు. ఈ నేపథ్యంలో మెకానిక్ రాకి కోసం సూపర్ వీక్ ప్రమోషన్స్ ప్లాన్ చేసాడు విశ్వక్ సేన్. విడుదల వారం ముందు నుండి ప్రమోషన్స్ మొదలపెట్టి రిలీజ్ రోజు ఏకధాటిగా సినిమాను ఆడియెన్స్ లోకి తీసుకెళ్లలేందుకు మాస్ ప్లానింగ్ చేసాడు. ముందుగా నవంబరు 16న సోషల్ మీడియా మిమర్స్ తో లంచ్ చేస్తూ మూవీని ప్రమోట్ చేయనున్నాడు. ఇక 17న వరంగల్ లో ట్రైలర్ లాంఛ్ 2.Oను నిర్వహించబోతున్నారు. 18న తిరుమల స్వామి వారి దర్శనంతో పాటు కాలేజ్ విద్యార్థులతో ఇంటరాక్షన్, 19న గోల్డెన్ ప్రెస్ పార్టీ, 20న ప్రీ రిలీజ్ ఈవెంట్, 21న AMBలో రెడ్ కార్పెట్ ప్రీమియర్, 22న హైదరాబాద్ సుదర్శన్ 35 లో మార్నింగ్ షో ఫ్యాన్స్ తో కలిసి చూడనున్నాడు విశ్వక్ సేన్.