Vijay Sethupathi’s ‘Maharaja’ tops Netflix charts : ఈ ఏడాది నెట్ఫ్లిక్స్లో అత్యధికంగా వీక్షించిన సినిమాల జాబితాలో విజయ్ సేతుపతి నటించిన మహారాజా మొదటి స్థానంలో నిలిచింది. అంతకు ముందు అంతలేదు కానీ కరోనా కాలంలో OTT ప్లాట్ఫారమ్లు జనానికి బాగా అలవాటయ్యాయి. కొత్త సినిమాలు కూడా నేరుగా విడుదలయ్యేంత ఆదరణ పొందడమే కాకుండా, థియేటర్లలో విడుదలయ్యే సినిమాల డిజిటల్ హక్కులు కూడా అధిక ధరలకు కోనేస్థాయికి ఈ ఓటీటీలు పాపులర్ అయ్యాయి. ఈ కారణంగా, ఏదైనా కొత్త సినిమా థియేటర్లలో రిలీజ్ అయిన నెల రోజుల్లో OTTలో విడుదల అవుతుంది, ఏవో రేర్ కేసెస్ లో తప్ప. దీంతో థియేటర్లో సినిమా చూడలేకపోయిన వారు ఓటీటీలో చూసి ఆనందిస్తున్నారు. ఓటీటీలలో అగ్రగామిగా ఉన్న నెట్ఫ్లిక్స్ ఈ ఏడాది తన OTT సైట్లో ఇప్పటివరకు అత్యధికంగా వీక్షించిన చిత్రాల వివరాలను విడుదల చేసింది. ఆ జాబితా ప్రకారం టాప్ 10 స్థానాల్లో హిందీ చిత్రాలు 9 స్థానాలను ఆక్రమించినా.. తమిళ చిత్రం మహారాజా అగ్రస్థానాన్ని కైవసం చేసుకుంది.
లిస్ట్లో ఉన్న ఏకైక దక్షిణ భారత భాషా చిత్రం కూడా అదే కావడం గమనార్హం. మహారాజాను 18.6 మిలియన్ల మంది వీక్షకులు వీక్షించారు. ఆ సినిమా తరువాత హిందీ సినిమా క్రూ ఉంది. ఈ చిత్రానికి 17.9 మిలియన్ వ్యూస్ వచ్చాయి. లపాటా లేడీస్, జ్యోతిక నటించిన షైతాన్, హృతిక్ రోషన్ యొక్క ఫైటర్ వరుసగా 3వ, 4వ, 5వ స్థానాల్లో ఉన్నాయి. రణబీర్ కపూర్, రష్మిక జంటగా నటించిన యానిమల్ ఆరో స్థానంలో నిలిచింది. ఈ జాబితాలో షారుఖ్ ఖాన్ డంకి 8వ స్థానంలో నిలిచింది. మహారాజా చిత్రానికి నితిలన్ దర్శకత్వం వహించారు. ఈ చిత్రం నటుడు విజయ్ సేతుపతికి 50వ చిత్రం. ఈ చిత్రం గత జూన్లో థియేటర్లలో విడుదలైంది. విజయ్ సేతుపతితో పాటు అనురాగ్ కశ్యప్, నటరాజ్, సింగంబులి, అభిరామి ఈ చిత్రంలో నటించారు. థియేటర్లలో రూ.100 కోట్లకు పైగా కలెక్ట్ చేసిన ఈ సినిమా ఇప్పుడు ఓటీటీలో రికార్డు సృష్టించడంతో చిత్రబృందం ఆనందం వ్యక్తం చేస్తోంది.
