Vijay Sethupathi: విజయ్‌తో జీవితంలో మళ్లీ కలిసి పని చేయకూడదు అనుకున్న .. దర్శకుడు పాండిరాజ్

విలక్షణ నటుడు విజయ్ సేతుపతి హీరోగా, నిత్య మీనన్ హీరోయిన్ గా కలిసి నటిస్తున్న చిత్రం ‘తలైవన్ తలైవి’. దర్శకుడు పాండిరాజ్ తెరకెక్కించిన ఈ చిత్రం జూలై 25న ప్రేక్షకుల ముందుకు రానుంది. ఒక ఫ్యామిలీ ఎంటర్‌టైనర్‌గా రూపొందుతున్న ఈ చిత్రానికి సంతోష్ నారాయణన్ సంగీతం అందిస్తున్నారు. సత్య జ్యోతి ఫిలిమ్స్ పతాకంపై ఈ సినిమా నిర్మితమైంది. అయితే తాజాగా ఈ ‘తలైవన్ తలైవి’ సినిమా ఈవెంట్ లో భాగంగా దర్శకుడు పాండిరాజ్ మాట్లాడిన మాటలు ప్రజంట్ సోషల్ మీడియాలో వైరల్ అవుతున్నాయి.

Also Read : Chiranjeevi : రవి తేజ తండ్రి మృతి పట్ల మెగాస్టార్ చిరంజీవి సంతాపం..

గతంలో, దర్శకుడు పాండిరాజ్, నటుడు విజయ్ సేతుపతి మధ్య కొన్ని అభిప్రాయ భేదాలు తలెత్తాయి. దీంతో ఆ విభేదాల కారణంగా.. ‘జీవితంలో మళ్లీ ఇంకెప్పుడూ కలిసి పనిచేయకూడదని తామిద్దరం నిర్ణయించుకున్నాం. అయితే, ఈ నిర్ణయం ఊహించని విధంగా మారిపోయింది. ప్రముఖ దర్శకుడు మిష్కిన్ పుట్టినరోజు పార్టీలో తామిద్దరం మళ్లీ కలుసుకున్నాం. ఈ సందర్భంగా, విజయ్ సేతుపతి స్వయంగా కలిసి, ‘మనం కలిసి ఒక సినిమా చేద్దాం’ అని వెల్లడించారు. ఆ సమయంలో మా ఇద్దరి మధ్య నెలకొన్న దూరం తొలగిపోయి, కొత్త ప్రయాణానికి బీజం పడింది. అలా కలిసిన తర్వాత ‘తలైవన్ తలైవి’ సినిమా స్క్రిప్ట్‌ను సిద్ధం చేశారు. ఈ కథానాయకుడి పాత్రకు విజయ్ సేతుపతి సరైన ఎంపిక అని భావించి. కథ పూర్తయిన తర్వాత సేతుపతికి కేవలం 20 నిమిషాల పాటు కథను వివరించాను. కథను విన్న వెంటనే, సేతుపతి ఏ మాత్రం ఆలోచించకుండా అంగీకరించా’ అని వివరించారు పాండిరాజ్.