TOXIC Glimpse : యష్ బర్త్ డే స్పెషల్.. టాక్సిక్ ఫస్ట్ గ్లిమ్స్ రిలీజ్.. కొంచం యాక్షన్.. మరికొంత ఓవరాక్షన్
కన్నడ స్టార్ హీరో యష్ నటిస్తున్న మోస్ట్ అవైటెడ్ పాన్ ఇండియా చిత్రం ‘టాక్సిక్: ఎ ఫెయిరీ టేల్ ఫర్ గ్రోన్-అప్స్’. గీతూ మోహన్ దాస్ దర్శకత్వం వహిస్తోంది. ‘KGF: చాప్టర్ 2’ తర్వాత దాదాపు ఐదేళ్ల విరామం అనంతరం యష్ తిరిగి బిగ్ స్క్రీన్పై కనిపించబోతున్నఈ సినిమాపై భారీ అంచనాలు నెలకొన్నాయి. ‘టాక్సిక్’ సినిమా 2026 మార్చి 19 న ప్రపంచవ్యాప్తంగా థియేటర్లలో విడుదల కానుంది. ఉగాది, గుడి పడ్వా, ఈద్ పండుగల వీకెండ్ను టార్గెట్ చేస్తూ రిలీజ్ డేట్ను ఖరారు చేయడంతో బాక్సాఫీస్ వద్ద భారీ ఓపెనింగ్స్ ఖాయమని ట్రేడ్ వర్గాలు అంచనా వేస్తున్నాయి.
ప్రస్తుతం షూటింగ్ దశలో ఉన్న ఈ సినిమా నుంచి మరో భారీ అప్డేట్ విడుదలైంది. నేడు యష్ బర్త్ డే కానుకగా టాక్సిక్ నుండి టీజర్ ను రిలీజ్ చేసారు. మేకింగ్ లో కొంచం కెజిఎఫ్ చాయాలు ఇంకా కనిపిస్తున్నాయి. అలాగే కార్ లో హీరోయిన్ తో రొమాన్స్ చేస్తూ ఆ యాక్షన్ కు బాంబులు పేలడం అనేది కాస్త అతిగా ఉందనే టాక్ వినిపిస్తోంది. స్టైలిష్ ప్రెజెంటేషన్, డార్క్ ఫెయిరీ టేల్ టోన్, యష్ పవర్ ఫుల్ స్క్రీన్ ప్రెజెన్స్తో ఆకట్టుకున్నాడు. ఇక రవి బాసృర్ అందించిన నేపథ్య సంగీతం బాగుంది. మొత్తంగా ‘టాక్సిక్’ పాన్ ఇండియా స్థాయిలో మరో సంచలనం సృష్టించేందుకు సిద్ధమవుతోంది. యష్ బర్త్ డేతో టాక్సిక్ సోషల్ మీడియాలో ట్రేండింగ్ లో నిలిచిన టాక్సిక్ ఇప్పుడు వచ్చిన రాయ ఇంట్రో తో ఫ్యాన్స్ కు మరింత జోష్ ఇచ్చింది. మరో రెండు నెలల్లో రిలిజ్ కాబోతున్న టాక్సిక్ తో యష్ ఈసారి ఎలాంటి సంచలనాలు నమోదు చేస్తాడో చూడాలి.