Tollywood : సంక్రాంతిని సీజన్ ను తలపిస్తున్న టాలివుడ్…

తెలుగు రాష్ట్రాల్లో దీపావళి వేడుకలు ఘనంగా జరుగుతున్నాయి. దీపకాంతులతో పల్లెలు,పట్టణాలు వెలుగులు విరజిమ్ముతున్నాయి. అలాగే టాలీవుడ్ లోను దీపావళి హంగామా కాస్తంత గట్టిగానే వినిపిస్తోంది. తెలుగు రాష్ట్రాల్లో పండగ అంటేనే సినిమా ఉండాల్సిందే. ఈ దీపావళి కానుకగా నాలుగు సినిమాలు రిలీజ్ అయ్యాయి. అందులలో తెలుగు హీరో ఉన్నఏకైక సినిమా ‘క’. కిరణ్ అబ్బవరం నటించిన ఈ సినిమా ప్రీమియర్స్ తో బుధవారం సాయంత్రం నుండి ప్రీమియర్స్ తో విడుదలైంది. ఇక మలయాళ నటుడు దుల్కర్ సల్మాన్ స్ట్రయిట్ తెలుగు సినిమా లక్కీ భాస్కర్ నిన్న విడులైంది. ఇక శివకార్తికేయన్ అమరన్, శ్రీమురళి బఘీర దివాళి కానుకగా వస్తోంది.

Also Read : Sivakarthikeyan : అమరన్ ప్రీమియర్ ట్విట్టర్ రివ్యూ

ఈ సారి దీపావళికి టాలీవుడ్ లో సరికొత్త సందడి నెలకొంది. ఎన్నడూ లేని విధంగా సినిమాల రిలీజ్ హంగామా థియేటర్స్ వద్ద కనిపిస్తోంది. అలాగని వచ్చేవి ఏమైనా స్టార్ హీరోల సినిమాలా అంటే అది కాదు. బుధవారం రెండు తెలుగు రాష్ట్రాల్లో ప్రదర్శించిన క, లక్కీ భాస్కర్ ప్రీమియర్స్ బ్లాక్ బస్టర్ రెస్పాన్స్ వచ్చింది. మిడ్ రేంజ్ హీరోల సినిమాలు అర్ధరాత్రి వరకు వరకూ టైం కేటాయించి బ్యాక్ టు బ్యాక్ చూడటం అనేది అబినందించతగ్గ విషయం. సాధారంణగా ఇటువంటి హడావిడి సంక్రాంతి సమయంలో కనిపిస్తుంది. అలాంటి హడావిడి మల్లి ఇప్పుడు దీపావళి సీజన్ లో కనిపిస్తుంది. ఎటు చూసిన థియేటర్స్ హౌస్ ఫుల్ బోర్డ్స్ కనిపిస్తున్నాయి. ఈ సారి విశేషం ఏంటంటే దీపావళి కానుకగా రిలీజ్ అయిన సినిమాలు సూపర్ హిట్ టాక్ తెచ్చుకోవడం విశేషం.