Tiger Shroff: ముంబైలోని జుహు ఏరియాలో ఆదివారం బాలీవుడ్ హీరో టైగర్ ష్రాఫ్‌పై కాల్పులు జరిగాయంటూ సోషల్ మీడియాలో ఒక్కసారిగా పలు వార్తలు వైరల్ అయ్యాయి. ఈ ఘటనలో టైగర్‌కు ఏమైనా బుల్లెట్ గాయాలు అయ్యాయా అని ఫ్యాన్స్ తెగ కంగారు పడ్డారు. సినీ సర్కిల్స్‌లో కూడా ఈ విషయం క్షణాల్లో వైరల్ అయిపోయింది. అయితే ఈ వార్తలపై ముంబై పోలీసులు వెంటనే స్పందించి క్లారిటీ ఇచ్చారు.
జుహు పోలీస్ స్టేషన్ పరిధిలో కాల్పులు జరిగిన మాట నిజమేనని, అయితే టైగర్ ష్రాఫ్‌కు ఎలాంటి బుల్లెట్ గాయాలు కాలేదని డీసీపీ మోహిత్ గార్గ్ స్పష్టం చేశారు. ఆయన క్షేమంగానే ఉన్నారని, సోషల్ మీడియాలో వైరల్ అవుతున్న పుకార్లను ఎవరూ నమ్మొద్దని చెప్పారు. అసలు అక్కడ గొడవేంటి, కాల్పులు ఎందుకు జరిగాయి, దీని వెనుక ఎవరున్నారనే విషయాలను పోలీసులు ఇంకా బయటపెట్టలేదు. ఆ ఏరియాలోని సీసీటీవీ ఫుటేజీలను పరిశీలిస్తూ దర్యాప్తు చేస్తున్నారు. పోలీసుల ఎంక్వైరీ పూర్తయితే గానీ అసలు నిజాలు బయటకు వచ్చేలా లేవు.