Niharika : కమిటీ కుర్రోళ్ళు ట్రైలర్ అప్ డేట్ వచ్చేసింది..ఎప్పుడంటే ..?

నిహారిక కొణిదెల సమర్పణలో పింక్ ఎలిఫెంట్ పిక్చర్స్ ఎల్.ఎల్.పి, శ్రీరాధా దామోదర్ స్టూడియోస్ బ్యానర్స్‌పై ప్రొడక్షన్ నెం.1 వస్తున్న చిత్రం ‘కమిటీ కుర్రోళ్లు’. అంతా కొత్త వాళ్లతో రానుంది ఈ చిత్రం.యదు వంశీ ఈ చిత్రంతో దర్శకుడిగా టాలీవుడ్ కు పరిచయం కానున్నాడు. కాగా ఈ ఈచిత్ర టైటిల్ పోస్టర్ ను యంగ్ హీరో సాయి ధరమ్ తేజ్ రిలీజ్ ఇటీవల విడుదల చేయగా మంచి రెస్పాన్స్ తెచ్చుకుంది. తప్పకుండా ఈ చిత్రం సూపర్ హిట్ అవుతుందని సాయి ధరమ్ తేజ్ ఆశాభావం వ్యక్తం చేస్తూ టీమ్ కు విషెష్ తెలిపారు.  ఈ చిత్రంతో 11 మంది నూతన హీరోలు, 4 హీరోయిన్స్‌ ఇండస్ట్రీకి పరిచయం అవుతున్నారు. ప్రస్తుతం షూటింగ్ కంప్లీట్ చేసుకున్న ఈ చిత్రం ఆగస్టు 9న వరల్డ్ వైడ్ గా థియేటర్లలో రిలీజ్ కు రెడీగా ఉంది.

రిలీజ్ కు మరి కొద్దీ రోజులు మాత్రమే ఉండడంతో చిత్రానికి సంబంధిచి ప్రమోషన్స్ లో వేగం పెంచింది కమిటీ కుర్రోళ్ళు యూనిట్. అందులో భాగంగా ఈ చిత్ర ట్రైలర్ డేట్ ను ప్రకటించారు మేకర్స్. ఈ నెల 26న మధ్యాహ్నం 12:30 గంటలకు ట్రైలర్ ను విడుదల చేయబోతున్నట్టు నిర్మాణ సంస్థ సోషల్ మీడియా ఖాతలో పోస్టర్ రిలీజ్ చేసింది. అందరు నూతన నటీనటులతో యదార్ధ సంఘటనల ప్రేరణతో రూపొందిన ఈ చిత్రం చిన్న సినిమాలలో పెద్ద విజయం సాధించిన చిత్రాల సరసన నిలుస్తుందని టైటిల్ లాంఛ్ కార్యక్రమంలో నిర్మాత నిహారిక కొణిదెల వ్యాఖ్యానించారు. అతి త్వరలో రిలీజ్ కానున్న ఈ చిత్రం ప్రేక్షకులను ఏ మేరకు మెప్పిస్తుందో చూడాలి.

 

Also Read: OTT : ఓటీటీ స్ట్రీమింగ్ కానున్న కింగ్ ఆఫ్ ది ప్లానెట్ ది ఎప్స్..ఎక్కడో తెలుసా ..?