ఎక్స్ పరిమెంట్స్ చేయాలి కానీ ఏళ్లకు ఏళ్లు ఒకే సినిమాతో కాలక్షేపం చేయకూడదన్న జ్ఞాన నేత్రం తెరచుకోలేదు సూర్యకు. కంగువాతో ఖంగుతిన్నా ప్రయోగాల జోలికి వెళ్లకుండా ఉండలేకపోతున్నాడు . కార్తీక్ సుబ్బరాజ్ దర్శకత్వంలో వస్తున్న రెట్రో కూడా చూడబోతే ఎక్స్ పరిమెంటల్ మూవీలానే తోస్తుంది. ప్రయోగాలు చేయాలి ఫ్యాన్స్ కాలరెగరేసే సినిమాలు తీయాలని కమిటైన సూర్య అటుగా ప్రయత్నాలు చేస్తున్నాడు. అభిమానులతో టచ్ మిస్ కాకుండా ఉండేందుకు వరుస ప్రాజెక్టులను లైన్లో పెడుతున్నాడు.
Also Read : Karthi : తండేల్ రియల్ స్టోరీ అని తెలిసి ఆశ్చర్యపోయాను
రెట్రో షూటింగ్ కంప్లీట్ కాగా, పోస్ట్ ప్రొడక్షన్ పనులు శరవేగంగా జరుగుతున్నాయి. మే 1న ఈ చిత్రం ప్రేక్షకుల ముందుకు రానుంది. దీంతో పాటు ఆర్జే బాలాజీ దర్శకత్వంలో సూర్య 45 షూటింగ్ సెట్స్ పై ఉంది. ఈ సినిమాలో చాన్నాళ్ల తర్వాత సూర్యతో త్రిష జతకట్టబోతుంది. అక్టోబర్ లో ఈ సినిమా విడుదలయ్యే అవకాశం ఉన్నట్లు తెలుస్తోంది. వెట్రిమారన్ దర్శకత్వంలో ఎప్పుడో వడివాసల్ ప్రాజెక్ట్ ఎనౌన్స్ అయ్యింది. ఈ రెండు కంప్లీట్ అయ్యాక రోలెక్స్ ఈ సినిమాకు షిఫ్ట్ అవ్వబోతున్నాడు. ఈ మూడు సినిమాలు చేతిలో ఉండగానే మరో కథ వింటున్నాడట సూర్య. మలయాళ దర్శకుడు మిన్నల్ మురళి ఫేం డైరెక్టర్ అండ్ యాక్టర్ బాసిల్ జోసెఫ్ తో వర్క్ చేయబోతున్నాడని టాక్. బాసిల్ చెప్పిన కథ సూర్యకు నచ్చి గ్రీన్ ఇచ్చినట్లు ఇన్నర్ టాక్. సూర్య 47 చిత్రానికి బాసిల్ జోసెఫ్ దర్శకత్వం వహించే అవకాశం ఉందని వార్తలు వచ్చాయి. ఒకవేళ ఈ కొలాబరేషన్ కుదిరితే డిఫరెంట్ మూవీ అవుతుందని అంటున్నాయి సినీ వర్గాలు. ఈ సారి ఎలాగైనా హిట్ కొట్టాలని పకడ్బందీగా ప్లాన్ చేస్తున్నాడు సూర్య.