Sreeleela: తమిళనాడు కోడలిగా శ్రీలీల..? తాజా కామెంట్స్ హాట్ టాపిక్!

చాలా తక్కువ సమయంలోనే టాలీవుడ్ అగ్ర హీరోలందరి సరసన నటించి స్టార్‌డమ్ తెచ్చుకున్న శ్రీలీల, ప్రస్తుతం కోలీవుడ్ బాలీవుడ్ చిత్రాలతో బిజీగా ఉన్నారు. తాజాగా చెన్నైలోని అమృత ఏవియేషన్ కాలేజ్ ఈవెంట్‌లో బ్రాండ్ అంబాసిడర్‌గా పాల్గొన్న ఆమె, విద్యార్థులతో ముచ్చటిస్తూ తన వ్యక్తిగత, సినీ జీవితం గురించి ఆసక్తికర విషయాలు వెల్లడించారు.

ఈ ఈవెంట్‌లో విద్యార్థులు శ్రీలీలను ఉద్దేశించి ‘లేడీ సూపర్ స్టార్’ అని నినాదాలు చేయగా, ఆమె సున్నితంగా ఆ ట్యాగ్‌ను తిరస్కరించారు.. ‘నాకు ఇష్టమైన నటి నయనతార. ఆమె మాత్రమే అసలైన లేడీ సూపర్ స్టార్. ఆమె నాకు రోల్ మోడల్. ఆ స్థాయికి చేరుకోవడానికి నాకు ఇంకా చాలా సమయం పడుతుంది’ అని తన వినయాన్ని చాటుకున్నారు. అలాగే, ఓటమికి భయపడకుండా ప్రయత్నిస్తూనే ఉండాలని విద్యార్థులకు దిశానిర్దేశం చేశారు. ఇదే వేదికపై తన పెళ్లి గురించి శ్రీలీల చేసిన వ్యాఖ్యలు ఇప్పుడు హాట్ టాపిక్‌గా మారాయి..

‘చెన్నై కుర్రాళ్లు చాలా స్వీట్. ఇక్కడి దోశ అంటే నాకు చాలా ఇష్టం. నయనతార గారి లాగే నేను కూడా చెన్నైలోనే పెళ్లి చేసుకుంటానా అనేది ఇప్పుడే చెప్పలేను’ అని ఆమె నవ్వుతూ వ్యాఖ్యానించారు. ఈ మాటలతో శ్రీలీల తమిళనాడు కోడలిగా వెళ్లనున్నారా? లేదా అప్పుడే ఎవరితోనైనా ప్రేమలో పడ్డారా? అంటూ నెటిజన్లు చర్చించుకుంటున్నారు. ప్రస్తుతం ధనుష్ సరసన నటిస్తున్న శ్రీలీల, బాలీవుడ్‌లో కార్తీక్ ఆర్యన్ మూవీతో పలకరించనున్నారు.