Shruti Haasan: కొత్త ఇంట్లోకి అడుగుపెట్టిన స్టార్ హీరోయిన్ ..

Shruti Haasan: ప్రముఖ హీరోయిన్ శృతి హాసన్ తన జీవితంలో మరో కొత్త అధ్యాయానికి శ్రీకారం చుట్టారు. చెన్నైలో నిర్మించిన తన కొత్త ఇంట్లోకి ఇటీవల ఆమె గృహప్రవేశం చేశారు. కుటుంబ సభ్యులు, సన్నిహిత బంధువుల సమక్షంలో సంప్రదాయ పద్ధతిలో ఈ హౌస్‌వార్మింగ్ పూజా కార్యక్రమం నిర్వహించారు. నిజానికి గతంలో ఈ ముద్దుగుమ్మ ముంబైలో ఉండే వారు. ప్రస్తుతం అక్కడి నుంచి చెన్నైకి షిఫ్ట్ అయ్యి కొత్త ఇంట్లోకి అడుగుపెట్టారు. హౌస్‌వార్మింగ్ కార్యక్రమం సందర్భంగా ఇంటిని పూలతో అందంగా అలంకరించి, ప్రత్యేక పూజలు, హోమాలు నిర్వహించారు.

ప్రస్తుతం శృతి హాసన్ కొత్త ఇంట్లో జరిగిన గృహప్రవేశ వేడుకకు సంబంధించిన కొన్ని ఫోటోలు సోషల్ మీడియాలో వైరల్‌ అవుతున్నాయి. ఈ ఫోటోల్లో సంప్రదాయ దుస్తుల్లో కనిపించిన శృతి చాలా సంతోషంగా, ప్రశాంతంగా కనిపించారు. ఈ సందర్భంగా ఆమె అభిమానులు కంగ్రాట్స్ తెలియజేస్తూ సోషల్ మీడియాలో కామెంట్లు చేస్తున్నారు. హీరో కమల్ హాసన్ కుమార్తెగా సినీ రంగంలో అడుగుపెట్టిన శృతి, ప్రస్తుతం దక్షిణాది, బాలీవుడ్ చిత్రాల్లో బిజీగా ఉన్నారు. నటిగా మాత్రమే కాకుండా గాయనిగా, సంగీత దర్శకురాలిగా కూడా ఆమె తన ప్రత్యేక గుర్తింపును సంపాదించుకున్నారు. శృతి హాసన్ చెన్నైకి షిఫ్ట్‌కి కావడం వెనక తన సింగింగ్ కెరీర్‌పై పూర్తి స్థాయిలో ఫోకస్ చేయడానికే అని అంటున్నారు.