Venky77 : త్రివిక్రమ్ సినిమాలో వెంకీగారి సరసన హీరోయిన్ గా ‘శెట్టి గారు’ ఫిక్స్

సంక్రాంతికి వస్తున్నాం సూపర్ సక్సెస్ తో జోష్ మీదున్న వెంకి ఇప్పుడు త్రివిక్రమ్ తో చేతులు కలిపాడు. గతంలో వెంకీ కెరీర్ లో సూపర్ హిట్ సినిమాలైనా నువ్వు నాకు నచ్చావ్, మల్లీశ్వరిలకు త్రివిక్రమ్ మాటల రచయితగా పని చేసాడు. ఇప్పుడు ఏకంగా వెంకీని డైరెక్ట్ చేస్తున్నాడు త్రివిక్రమ్. ఎప్పటినుండో వెంకీ, త్రివిక్రమ్ కాంబోలో సినిమా రావాలనుకున్న ఫ్యాన్స్ కోరిక నెరవేరింది.అవుట్ అండ్ అవుట్ ఫ్యామిలీ ఎమోషన్స్ తో పాటు త్రివిక్రమ్ స్టయిల్ ఆఫ్ కామెడీ, పంచ్ లతో సాగే  కథ, కథానాలతో ఈ సినిమా తెరకెక్కబోతునట్టు తెలుస్తోంది.

Also Read : YASH : డైరెక్షన్ లో వేలు పెడుతున్న యష్.. టాక్సిక్ షూటింగ్ గందరగోళం

కాగా ఈ సినిమాలో హీరోయిన్ గా ఇటీవల మీనాక్షి చౌదరి, శ్రద్ద శ్రీనాధ్, నేహా శెట్టి, శ్రీనిధి శెట్టిని తో పాటు పలువురు హీరోయిన్స్ పేర్లు వినిపించాయి. తాజాగా యూనిట్ నుండి అందిన సమాచారం ప్రకారం ఈ సినిమాలో వెంకీ సరసన కన్నడ యంగ్ హాట్ బ్యూటీ శ్రీనిధి శెట్టిని ఫిక్స్ చేశారట. త్వరలో అధికారక ప్రకటన రానుంది. హారిక హాసిని బ్యానర్ పై సూర్యదేవర చినబాబు నిర్మిస్తున్న ఈ సినిమాకు వెంకట రమణ C/O ఆనంద నిలయం తో పాటు ‘అలివేలు వెంకటరత్నం’ అనే టైటిల్స్  పరిశీలిస్తున్నారట మేకర్స్. ఈ నెల చివరి వారంలో ఈ సినిమా రెగ్యులర్ షూటింగ్ ను స్టార్ట్ చేయబోతున్నట్టు సమాచారం. అలాగే ఈ సినిమాకు త్రివిక్రమ్ రెగ్యులర్ మ్యూజిక్ డైరెక్టర్ తమన్ సంగీతం అందించబోతున్నాడు. అవుట్ అండ్ అవుట్ ఫ్యామిలి ఎంటర్టైనర్ గా రాబోతున్న వెంకీ – త్రివిక్రమ్ సినిమా ఆడియెన్స్ ను నవ్వులతో ముంచెత్తడం ఖాయం.