Sangeeth Sobhan: నిహారిక లేకపోతే.. సంగీత్ శోభన్ ఆసక్తికర వ్యాఖ్యలు!

యువ నటుడు సంగీత్ శోభన్ హీరోగా నటించిన ‘రాకాస’ చిత్రం బాక్సాఫీస్ వద్ద బ్రేక్ ఈవెన్ సాధించి.. రెండవ వారంలోనూ విజయవంతంగా దూసుకుపోతోంది. ఈ సందర్భంగా నిర్వహించిన డిస్ట్రిబ్యూటర్ల సక్సెస్ మీట్‌లో సంగీత్ తన ఆనందాన్ని వ్యక్తం చేస్తూ ఆసక్తికర వ్యాఖ్యలు చేశాడు. సినిమా బిజినెస్‌లో డిస్ట్రిబ్యూటర్ల పాత్ర ఎంత కీలకమో వివరించాడు. సినిమా ఇంతటి ఘన విజయం సాధించడానికి నిర్మాత నిహారిక కొణిదెల చూపిన చొరవే అని సంగీత్ కొనియాడాడు.

‘సినిమా మీద ఉన్న పిచ్చి, ప్రేమతోనే డిస్ట్రిబ్యూటర్లు సినిమాలను కొంటారు. సినిమా ఫలితం వల్ల మొదట ప్రభావితం అయ్యేది వారే. డిస్ట్రిబ్యూటర్ సంతోషంగా ఉంటేనే సినిమా నిజంగా హిట్టైనట్టు నేను భావిస్తాను. రాకాస చిత్రాన్ని నమ్మి కొనుగోలు చేసిన ప్రతి ఒక్క డిస్ట్రిబ్యూటర్‌కు నా ప్రత్యేక కృతజ్ఞతలు. సినిమా విజయానికి నిదర్శనం థియేటర్ల సంఖ్యే. రెండో వారంలో కూడా మా సినిమాకు మంచి స్క్రీన్లు లభించడం మా విజయానికి నిదర్శనం. నేను స్వయంగా థియేటర్ విజిట్స్‌కి వెళ్లినప్పుడు ప్రేక్షకుల నుంచి వస్తున్న రెస్పాన్స్ చూసి ఎంతో ఆనందమేసింది. ముఖ్యంగా ఫ్యామిలీ ఆడియెన్స్ మా మూవీని చూసి బాగా ఎంజాయ్ చేస్తున్నారు’ అని సంగీత్ శోభన్ చెప్పాడు.

Also Read: Niharika Konidela: డిస్ట్రిబ్యూటర్ల ఆనందమే అసలైన విజయం.. ప్రతీ ఒక్కరికీ థాంక్స్!

ఈ ప్రాజెక్ట్ ఇంతటి ఘన విజయం సాధించడానికి నిర్మాత నిహారిక కొణిదెల చూపిన చొరవను మరవలేమని సంగీత్ శోభన్ పేర్కొన్నాడు. ‘నిహారిక గారు లేకపోతే ఈ ప్రాజెక్ట్ ఇంత దూరం వచ్చేది కాదు. ఆమె అందించిన సపోర్ట్ మర్చిపోలేనిది. అలాగే సీనియర్ నటుడు బ్రహ్మాజీ గారితో కలిసి పనిచేయడం నాకు దక్కిన గొప్ప అవకాశం. ఈ ప్రయాణంలో నాకు మద్దతుగా నిలిచిన మీడియాకు, అతిథిగా వచ్చిన మైత్రి రవి గారికి, టీమ్ సభ్యులందరికీ థాంక్స్’ అని సంగీత్ చెప్పుకొచ్చారు.