అల్లు అర్జున్ హీరోగా తెరకెక్కుతున్న పుష్ప `2 సినిమా డిసెంబర్ 5వ తేదీన ప్రేక్షకుల ముందుకు రాబోతోంది. రిలీజ్ డేట్ అనౌన్స్ చేశారు కానీ ఈ సినిమాకి సంబంధించిన ఐటెం సాంగ్ ఇంకా షూట్ చేయాల్సి ఉంది. నవంబర్ 4వ తేదీ నుంచి షూట్ చేయాలని షెడ్యూల్ ఫిక్స్ చేసుకున్నారు కానీ ఇంకా హీరోయిన్ ఫిక్స్ కాలేదు. నార్త్ భామ శ్రద్ధా కపూర్ చేత ఈ ఐటెం సాంగ్ చేయించాలని భావించారు. కానీ ఆమె బాగా రెమ్యూనరేషన్ ఎక్కువ డిమాండ్ చేయడం అనుకున్న డేట్స్ సర్దుబాటు చేయలేకపోవడంతో ఇప్పుడు ఆమె స్థానంలో మన హీరోయిన్ శ్రీ లీలను తీసుకోవాలని భావిస్తున్నట్లు తెలుస్తోంది. ప్రస్తుతానికి డాన్స్ ఇరగదీస్తున్న శ్రీ లీలతో ఐటెం నెంబర్ చేయిస్తే వర్క్ అవుట్ అవుతుందని కూడా మేకర్స్ భావిస్తున్నారట.
Chiranjeevi: చిరంజీవి ఇంటికి వెళ్లిన కేంద్ర మంత్రి
ఈ మేరకు శ్రీ లీలను సంప్రదిస్తే ప్రస్తుతానికి సినిమాలేమీ లేకపోవడంతో ఆమె కూడా గ్రీన్ సిగ్నల్ ఇచ్చినట్లు తెలుస్తోంది. ఇక ఈ సినిమాకి సంబంధించిన ఐటెం సాంగ్ షూటింగ్ నవంబర్ 4వ తారీఖు నుంచి హైదరాబాద్ లో నిర్మించిన ప్రత్యేకమైన సెట్లో జరగబోతోంది. మరో ఆసక్తికరమైన విషయం ఏమిటంటే ఈ ఐటెం సాంగ్ లో సమంత కూడా కనిపించబోతోంది. నిజానికి సమంత మొదటి భాగం ఐటెం సాంగ్ లో భాగమైంది. ఆమె సాంగ్ కి మంచి క్రేజ్ కూడా వచ్చింది. ఇప్పుడు ఈ సెకండ్ పార్ట్ లో ఉన్న ఐటెం సాంగ్ లో శ్రీ లీల కనిపిస్తూ ఉండగా ఆమెతో పాటు రెండు మూడు స్టెప్పులు వేసేందుకు సమంతను కూడా ఒప్పించినట్లుగా తెలుస్తోంది. ఆమె ఒకరకంగా స్పెషల్ అప్పియరెన్స్ ఇవ్వబోతుందని అంటున్నారు.
