యాక్షన్ కి యాక్షన్, ఎమోషనల్ కి ఎమోషనల్, ఎంటర్టైన్ కి ఎంటర్టైన్ అంటే మాస్ మహరాజా రవితేజ అనే చెప్పాలి. ముఖ్యంగా ఆయన కామెడీ టైమింగ్ పిచ్చ ఫ్యాన్ ఉన్నారు. అయితే రవితేజ కెరీర్ బ్లాక్ బస్టర్ మూవీ ‘వెంకీ’ కి ఎలాంటి ఫేమ్ ఉందో చెప్పక్కర్లేదు. శ్రీను వైట్ల దర్శకత్వంలో తెరకెక్కిన ఈ సినిమాలో రవితేజ, కామెడీ కింగ్ బ్రహ్మానందంల కాంబో సన్నివేశాలు ఈ సినిమాకు పెద్ద అస్సెట్ అని చెప్పవచ్చు. ముఖ్యంగా ట్రైన్ ఎపిసోడ్ నెవర్ బిఫోర్ అన్నట్టు ఉంటుంది.. వేణుమాధవ్ పాడే పాటలు కంఠస్థం చేశారు అభిమానులు. ఈ కామెడీ సన్నివేశాలు నేటికీ మీమ్స్ ద్వారా ట్రెండింగ్లోనే ఉన్నాయి. దీంతో మరోసారి థియేటర్ లో విడుదల చేయాలని ఆయన ఫ్యాన్స్ ఎప్పట్నుంచో పట్టుబడుతున్నారు..
Also Read : Roshan : రోషన్ కనకాల ‘మోగ్లీ’ టీజర్ ఎప్పుడంటే..!
వారి కోరిక మేరకు తాజా సమాచారం ప్రకారం ఈ మూవీ రీరిలీజ్ చేసేందుకు నిర్మాతలు ఫిక్స్ అయ్యారు. అల్రెడి 2023 డిసెంబర్లో రీరిలీజ్ చేశారు. తిరిగి ఫ్యాన్స్ కోసం ఈ మూవీని జూన్ 14న రీరిలీజ్ చేయబోతున్నట్టు మేకర్స్ పేర్కొన్నారు. 4కేలో ఈ మూవీ విడుదల కానుండడంతో ఫ్యాన్స్ ఫుల్ ఖుషీ అవుతున్నారు. రాక్ స్టార్ దేవి శ్రీ ప్రసాద్ ఈ చిత్రానికి సంగీతం అందించిన ఈ పాటలు ఇప్పటికీ ట్రెండ్ అవుతూనే ఉన్నాయి. మొత్తానికి ప్రేక్షకులకు మరో ఫుల్ మీల్స్ రాబోతుంది.
