Rao Ramesh : చిన్న సినిమాకు భారీ కలెక్షన్స్.. ఎన్ని కొట్లో తెలుసా..?

రావు రమేష్ కథానాయకుడిగా నటించిన సినిమా ‘మారుతీ నగర్ సుబ్రమణ్యం’. లక్ష్మణ్ కార్య దర్శకత్వం వహించారు. క్రియేటివ్ జీనియస్ సుకుమార్ సతీమణి తబితా సుకుమార్ సమర్పణలో పీబీఆర్ సినిమాస్, లోకమాత్రే సినిమాటిక్స్ సంస్థలపై రూపొందిన చిత్రమిది. బుజ్జి రాయుడు పెంట్యాల, మోహన్ కార్య నిర్మాతలుగా వ్యవహరించారు. రావు రమేష్ సరసన అలనాటి హీరోయిన్ ఇంద్రజ నటించింది.  అంకిత్ కొయ్య, రమ్య పసుపులేటి మరో జంటగా, హర్షవర్ధన్ కీలక పాత్రలో నటించి మెప్పించారు.

Also Read :Rana Daggubati : నివేతా థామస్, ప్రియదర్శిల మధ్య ఎం జరిగిందో తెలుసా..?

సుకుమార్ సతీమణి తబిత తొలిసారిగా ‘మారుతి నగర్ సుబ్రమణ్యం’ సమర్పకురాలిగా వ్యవహరించింది. కంటెంట్ నచ్చడంతో తెలంగాణ, ఏపీలో ఈ చిత్రాన్ని అగ్ర నిర్మాణ సంస్థ మైత్రీ మూవీ మేకర్స్‌కు చెందిన మైత్రీ మూవీ డిస్ట్రిబ్యూటర్స్ ఎల్ఎల్‌పి విడుదల చేసింది. విడుదలకు ఒక ఒక రోజు ముందుగా ప్రిమియార్స్ ప్రదర్శించగా సూపర్ హిట్ టాక్ తెచ్చుకుంది. ఆగస్టు 23న రిలీజైన ఈ సినిమా మౌత్ టాక్ తో దూసుకెళుతుంది. విడుదలైన మొదటి 2 రోజుల్లో ప్రపంచ వ్యాప్తంగా 1.53 కోట్ల రూపాయల గ్రాస్ రాబట్టిందని అధికారక పోస్టర్ రిలీజ్ చేశారు మేకర్స్. ఆదివారం వీకెండ్ కావడంతో మరింత కలెక్షన్స్ రాబట్టే అవకాశం ఉంది. సోమవారం నాటికి ఈ చిత్రం బ్రేక్ ఈవెన్ సాధించే అవకాశాలు ఉన్నాయి. ఇటీవల చిన్న సినిమాల హావ టాలీవుడ్ లి గట్టిగా నడుస్తోంది. చిన్న సినిమాగా వచ్చిన కమిటీ కుర్రోళ్లు, ఆయ్ మంచి కలెక్షన్స్ రాబట్టి సూపర్ హిట్ సాధించాయి. ఇప్పడు మారుతీ నగర్ సుబ్రమణ్యం ఆ చిత్రాల సరసన నిలిచే అవకాశం లేకపోలేదు.