Ranveer – Deepika: దువాతో రణవీర్ – దీపిక క్యూట్ ఫ్యామిలీ పిక్స్ వైరల్.. బేబీ బంప్‌తో దీపిక స్పెషల్ అట్రాక్షన్!

Ranveer – Deepika: బాలీవుడ్ స్టార్ కపుల్ రణవీర్ సింగ్, దీపిక పదుకొణె మరోసారి సోషల్ మీడియాలో హాట్ టాపిక్‌గా మారారు. ఈ జంట తమ కుమార్తె దువాతో కలిసి దిగిన క్యూట్ ఫ్యామిలీ ఫొటోలను అభిమానులతో పంచుకోవడంతో అవి ప్రస్తుతం సోషల్ మీడియాలో వైరల్‌గా మారాయి. ఈ ఫొటోల్లో దీపిక బేబీ బంప్‌తో కనిపించడం ప్రత్యేక ఆకర్షణగా నిలిచింది. దీంతో అభిమానులు, నెటిజన్లు ఈ ఫ్యామిలీ పిక్స్‌పై ఆసక్తిగా స్పందిస్తున్నారు. రణవీర్ సింగ్, దీపిక పదుకొణె 2018లో వివాహ బంధంలోకి అడుగుపెట్టిన సంగతి తెలిసిందే. ఆ తర్వాత 2024లో ఈ జంట తమ మొదటి సంతానంగా కుమార్తె దువాకు స్వాగతం పలికింది. దువా పుట్టినప్పటి నుంచి ఆమెకు సంబంధించిన ఫొటోలను ఈ స్టార్ కపుల్ చాలా పరిమితంగానే సోషల్ మీడియాలో షేర్ చేస్తున్నారు. తాజాగా దువాతో కలిసి ఉన్న ఫ్యామిలీ మూమెంట్స్‌ను సోషల్ మీడియా ద్వారా ఫ్యాన్స్‌తో పంచుకోవడంతో అభిమానులకు స్పెషల్ ట్రీట్‌గా మారింది.

ఇదే సమయంలో దీపిక బేబీ బంప్‌తో కనిపించడం కూడా వైరల్‌గా మారింది. ఈ జంట త్వరలో తమ రెండో బిడ్డకు స్వాగతం పలికేందుకు సిద్ధమవుతున్న నేపథ్యంలో ఈ ఫొటోలు మరింత వైరల్ అవుతున్నాయి. కుటుంబంతో కలిసి రణవీర్, దీపిక పంచుకున్న ఈ అందమైన క్షణాలకు అభిమానుల నుంచి పెద్ద ఎత్తున పాజిటీవ్ రెస్పాన్స్ వస్తోంది. ఇక వారి సినిమాల విషయానికొస్తే.. ‘ధురంధర్’ సిరీస్‌తో దేశవ్యాప్తంగా ప్రత్యేక క్రేజ్ సంపాదించుకున్న రణవీర్ సింగ్ ప్రస్తుతం ‘ప్రళయ్’ సినిమాతో బిజీగా ఉన్నారు. మరోవైపు దీపిక పదుకొణె అల్లు అర్జున్ హీరోగా తెరకెక్కుతున్న ‘రాకా’లో కీలక పాత్రలో కనిపించనున్నారు. ఇటీవల ఆమె బేబీ బంప్‌తోనే షూటింగ్‌లో పాల్గొన్నట్లు వార్తలు కూడా వచ్చాయి.