Ranbir Kapoor: స్టార్ హీరోలు మైక్ పట్టుకున్నారంటే చాలు.. వాళ్లు మాట్లాడే ప్రతి మాటనూ కెమెరాలు భూతద్దంలో పెట్టి చూస్తాయి. కాస్త మాట తడబడినా క్షణాల్లో సోషల్ మీడియాలో ట్రోల్స్ వరద మొదలవుతుంది. అయితే ఆ ట్రోలింగ్‌ను కూడా తనదైన హ్యూమర్‌తో తిప్పికొట్టి, విమర్శించిన వాళ్ల చేతే నవ్వులు పూయించేలా చేయడం బాలీవుడ్ స్టార్ రణ్‌బీర్ కపూర్‌కే చెల్లింది. నితేశ్ తివారి దర్శకత్వంలో తెరకెక్కుతున్న ప్రతిష్టాత్మక పౌరాణిక చిత్రం ‘రామాయణ’కు సంబంధించిన ఓ ఈవెంట్‌లో రణ్‌బీర్ పాల్గొన్నాడు. వేదికపై మాట్లాడుతున్న సమయంలో రణ్‌బీర్ నోటి నుంచి ఒక చిన్న పొరపాటు దొర్లింది. అనుకోకుండా ఆయన పలికిన ఆ మాటతో మొత్తం అర్థమే తలకిందులైంది. ఇక అంతే.. సోషల్ మీడియా పేజీలు, నెటిజన్లు ఆ క్లిప్‌ను కట్ చేసి తెగ వైరల్ చేసేశారు. మీమ్స్‌తో ఆయన్ను విపరీతంగా ఆడేసుకున్నారు.
సాధారణంగా ఇలాంటి సందర్భాల్లో చాలామంది హీరోలు సైలెంట్‌గా ఉంటారు లేదా సీరియస్‌గా పీఆర్ టీమ్ ద్వారా క్లారిఫికేషన్ ఇప్పిస్తారు. కానీ రణ్‌బీర్ మాత్రం చాలా కూల్‌గా స్పందించాడు. మరుసటి రోజు జరిగిన కార్యక్రమంలో మైక్ అందుకున్న ఆయన.. ముందు రోజు జరిగిన పొరపాటును చాలా సహజంగా ఒప్పుకుంటూ అందరికీ సారీ చెప్పాడు. అక్కడితో ఆగకుండా, తన ఐకానిక్ హిట్ సినిమా ‘రాక్‌స్టార్’లోని పాపులర్ పాటను గుర్తు చేస్తూ.. తనపై తానే సెల్ఫ్ సెటైర్ వేసుకున్నాడు. ఆయన వేసిన ఆ పంచ్, చూపించిన సెన్స్ ఆఫ్ హ్యూమర్ చూసి అక్కడున్న మీడియా ప్రతినిధులు, అభిమానులు నవ్వుల్లో మునిగిపోయారు. ట్రోలింగ్ జరుగుతుంటే బాధపడిపోవడం కాకుండా, తన తప్పును ఒప్పుకుంటూనే దాన్ని ఎంతో ఫన్నీగా మార్చేసిన రణ్‌బీర్ ప్రవర్తనకు ఇప్పుడు నెటిజన్లు కూడా ఫిదా అయిపోతున్నారు. ట్రోలర్ల నోళ్లు మూయించాలంటే సీరియస్ స్టేట్‌మెంట్లు అక్కర్లేదు.. ఇలాంటి సరదా ఆటిట్యూడ్ ఉంటే చాలని నిరూపించాడు రణ్‌బీర్.