Ram NRI Tellavaare Velugullona Song Released: ఫీల్‌ గుడ్‌ అండ్‌ ఫ్యామిలీ ఎంటర్‌టైనర్‌ గా ‘రామ్‌ ఎన్‌ఆర్‌ఐ’ అనే సినిమా తెరకెక్కుతోంది. ‘పవర్‌ ఆఫ్‌ రిలేషన్ షిప్‌’ అనేది ఈ టాగ్ లైన్. బిగ్‌బాస్‌ ఫేమ్‌ అలీ రజా హీరోగా, సీతా నారాయణన్‌ హీరోయిన్ గా నటిస్తున్న ఈ సినిమాకి ఎన్.లక్ష్మీ నందా దర్శకుడు. మువ్వా క్రియేషన్స్‌ పతాకంపై మువ్వా సత్యనారాయణ ఈ చిత్రాన్ని నిర్మిస్తున్నారు. ఈ చిత్రం నుంచి తెల్లవారే వెలుగుల్లోనా అనే తొలి లిరికల్‌ వీడియోను ఆంధ్రప్రదేశ్‌ రాష్ట్ర పర్యాటక, సాంస్కృతిక మరియు సినిమాటోగ్రఫీ శాఖ మంత్రి కందుల దుర్గేష్ విడుదల చేశారు.
Pranayagodari: ఆసక్తిరేపుతున్న `ప్రణయ గోదారి` గ్లింప్స్‌
శ్రవణ్‌ సంగీతం సమకూర్చిన ‘తెల్లవారే వెలుగుల్లోనా’ అనే ఈ పాటకు రామాంజనేయులు యామినేని సాహిత్యం అందించగా, రేవంత్‌ ఆలపించారు. పల్లె గొప్పతనాన్ని, గ్రామీణ అందాలను చూపిస్తూ తెరకెక్కిన ఈ పాట విజువల్‌గా కూడా ఆకట్టుకునే విధంగా వుంది. ‘పల్లెసీమకు ఎగిరే.. మనసే ఆనందంలో ఎగిరే.. ఊరి వైపు పయనించే….’ అని పాడుతూ హీరో అలీ రెజా ఎంతో హుషారుగా..ఎనర్జీగా ఈ పాటలో కనిపిస్తున్నాడు. ఈ పాట వినగానే క్యాచీగా వుంది. విజయ్‌చందర్‌, గీతాంజలి, మువ్వ సత్యానారాయణ, సన, సూర్య, రఘు, జోగి నాయుడు, వేణుగోపాల్‌, రవివర్మ, జయవాణి, శ్రీమణి, మైనా ఈ సినిమాలో ఇతర కీలక పాత్రల్లో నటిస్తున్నారు.
