Ram Charan: మెగా ఫ్యామిలీ స్పెషల్ ఫోటో.. ముగ్గురు పిల్లలతో రామ్ చరణ్ – ఉపాసన జన్మాష్టమి వేడుకలు!

Ram Charan: మెగా పవర్ స్టార్ రామ్ చరణ్ – ఉపాసన కొణిదెల దంపతులు శ్రీకృష్ణ జన్మాష్టమి వేడుకలను ఎంతో ప్రత్యేకంగా జరుపుకున్నారు. తమ ముగ్గురు చిన్నారులతో కలిసి కృష్ణుడిని పూజిస్తున్న ఫోటోను ఉపాసన కొణిదెల సోషల్ మీడియాలో షేర్ చేయడంతో ఈ ఫోటో ప్రస్తుతం వైరల్‌గా మారింది. మెగా అభిమానులు ఈ ఫోటోను చూసి ఎంతో ఆనందం వ్యక్తం చేస్తున్నారు. శ్రీకృష్ణ జన్మాష్టమి సందర్భంగా దేశవ్యాప్తంగా భక్తులు కన్నయ్య జన్మదిన వేడుకలను ఘనంగా నిర్వహించారు. ఇదే క్రమంలో కొణిదెల కుటుంబం కూడా ఈ పర్వదినాన్ని భక్తిశ్రద్ధలతో జరుపుకుంది. చిన్నారులను కృష్ణుడు, రాధారాణి వేషధారణలో ముస్తాబు చేసి, కుటుంబ సభ్యుల సమక్షంలో ప్రత్యేక పూజలు నిర్వహించారు.

ఉపాసన షేర్ చేసిన ఫోటోలో చిన్నారుల ఫేస్ రివీల్ చేయలేదు. కానీ ఆ ఫోటోను సరిగ్గా గమనిస్తే శ్రీకృష్ణుడు, రాధారాణి వేషధారణలో పిల్లలను రెడీ చేసినట్లు కనిపిస్తోంది. ఈ ఫోటోను చూసి అభిమానులు మురిసిపోతున్నారు. రామ్ చరణ్ – ఉపాసన తమ పిల్లలతో కలిసి పూజా కార్యక్రమంలో పాల్గొన్న ఈ ఫ్యామిలీ మూమెంట్ సోషల్ మీడియాలో ప్రత్యేక ఆకర్షణగా నిలిచింది. ఈ ఫోటోను షేర్ చేస్తూ ఉపాసన కొణిదెల తమ ఇంటికి చిన్న కృష్ణుడు, రాధారాణి విచ్చేసినట్లుగా భావోద్వేగపూరితమైన సందేశాన్ని కూడా పంచుకున్నారు. ప్రేమ, ఆనందం, దైవుడి ఆశీస్సులతో తమ ఇంట్లో జన్మాష్టమి వేడుకలు జరిగాయని ఆమె వెల్లడించారు. ఇక సినిమాల విషయానికొస్తే రామ్ చరణ్ ప్రస్తుతం స్టార్ డైరెక్టర్ సుకుమార్ డైరెక్షన్‌లో RC 17 సినిమా చేస్తున్నారు. ప్రస్తుతం ఈ ప్రాజెక్ట్ టాక్ ఆఫ్ ది టౌన్‌గా ఉంది. మైత్రీ మూవీ మేకర్స్ అత్యంత ప్రతిష్ఠాత్మకంగా నిర్మిస్తున్న చిత్రంపై భారీ అంచనాలు ఉన్నాయి. మరోవైపు ఉపాసన కూడా తమ కుటుంబంతో పాటు సామాజిక కార్యక్రమాల్లో చురుకుగా పాల్గొంటున్నారు. తాజాగా జన్మాష్టమి సందర్భంగా కొణిదెల ఇంటి నుంచి వచ్చిన ఈ స్పెషల్ ఫ్యామిలీ ఫోటో సోషల్ మీడియాలో తెగ వైరల్ అవుతోంది.