Peddi: బుచ్చిబాబు మాస్టర్ ప్లాన్.. ‘పెద్ది’ ట్రైలర్ తర్వాత ఫ్యాన్స్‌కు ఇచ్చే గిఫ్ట్ ఇదే!

Peddi: ‘ఉప్పెన’ ఫేమ్ బుచ్చిబాబు సానా దర్శకత్వంలో మెగా పవర్ స్టార్ రామ్ చరణ్ హీరోగా తెరకెక్కుతున్న అత్యంత ప్రతిష్టాత్మక చిత్రం “పెద్ది”. ఈ చిత్రం కోసం మెగా అభిమానులతో పాటు సినిమా ప్రేమికులు ఎంతో ఆసక్తిగా ఎదురు చూస్తున్నారు. ప్రస్తుతం ఈ భారీ పాన్ ఇండియా స్పోర్ట్స్ డ్రామాపై అంచనాలు ఆకాశాన్ని తాకుతున్నాయి. తాజాగా ఈ సినిమా ప్రమోషన్స్ విషయంలో మేకర్స్ స్పీడ్ పెంచుతూ బ్యాక్ టు బ్యాక్ అప్‌డేట్స్‌తో ఫ్యాన్స్‌ను ఖుషీ చేస్తున్నారు.

రీసెంట్ గానే ఈ చిత్ర ట్రైలర్ లాంచ్ డేట్‌పై క్లారిటీ ఇచ్చిన మేకర్స్, ఇప్పుడు మరో క్రేజీ అప్‌డేట్‌ను అధికారికంగా రివీల్ చేశారు. ట్రైలర్ రిలీజ్ అయిన వెంటనే ఆడియెన్స్‌ను ఊపేసేలా ఒక ‘స్పెషల్ సాంగ్’ ను రిలీజ్ చేయబోతున్నారట. ఈ స్పెషల్ సాంగ్‌లో రామ్‌చరణ్, జాన్వీకపూర్‌లతో పాటు గ్లామరస్ బ్యూటీ శృతి హాసన్ కూడా సందడి చేయబోతుంది. ఆస్కార్ విజేత ఏఆర్ రెహమాన్ ఈ మూవీకి సంగీతం అందిస్తుండటంతో, ఈ ఐటెం సాంగ్ మ్యూజిక్ పరంగా మరో లెవల్‌లో ఉండబోతుందని చిత్ర యూనిట్ ధీమా వ్యక్తం చేస్తోంది. ఈ సాంగ్‌కి సంబంధించిన అఫీషియల్ రిలీజ్ డేట్‌ను త్వరలోనే మేకర్స్ అనౌన్స్ చేయనున్నారు. వృద్ధి సినిమాస్, సుకుమార్ రైటింగ్స్, మైత్రీ మూవీ మేకర్స్ సంయుక్తంగా నిర్మిస్తున్న ఈ భారీ చిత్రాన్ని జూన్ 4న ప్రపంచవ్యాప్తంగా గ్రాండ్‌గా రిలీజ్ చేసేందుకు సన్నాహాలు చేస్తున్నారు. రామ్ చరణ్ కెరీర్‌లోనే ఇది ఒక వైవిధ్యమైన సినిమా కావడంతో, బాక్సాఫీస్ వద్ద ‘పెద్ది’ ఎలాంటి రికార్డులు సృష్టిస్తుందో అని సినీ వర్గాల్లో ఆసక్తి నెలకొంది.

TRAILER LAUNCH ✅️
SPECIAL SONG LAUNCH ✅️

Stay tuned to @PeddiMovieOffl 💥💥💥💥 It's going to be Massive pic.twitter.com/wQcKxZZKqU

— PEDDI (@PeddiMovieOffl) May 12, 2026