Peddi : ఫలించిన వ్యూహం.. మూడో వారంలోనూ ‘పెద్ది’ అరాచకం!

గ్లోబల్ స్టార్ రామ్ చరణ్, డైరెక్టర్ బుచ్చిబాబు సన కాంబినేషన్‌లో వచ్చిన పవర్‌ఫుల్ ఎమోషనల్ స్పోర్ట్స్ డ్రామా ‘పెద్ది’ థియేటర్లలో అస్సలు తగ్గడం లేదు. విడుదలై మూడు వారాలు గడుస్తున్నా, బాక్సాఫీస్ వద్ద ఈ చిత్రం సరికొత్త సంచలనాలు సృష్టిస్తూనే ఉంది. సాధారణంగా ఏ సినిమాకైనా మూడో వారం వచ్చేసరికి కలెక్షన్ల జోరు తగ్గుతుంది. కానీ ‘పెద్ది’ విషయంలో మాత్రం సీన్ పూర్తిగా రివర్స్ అయింది. మెగా పవర్ స్టార్ రామ్ చరణ్ బాక్సాఫీస్ స్టామినాకు నిదర్శనంగా ఈ చిత్రం 18వ రోజున కూడా థియేటర్లను షేక్ చేస్తోంది.

ఈ సినిమాకు థియేట్రికల్ రన్‌లో అందుతున్న అపూర్వ ఆదరణకు ఆన్‌లైన్ టికెట్ బుకింగ్స్ ఒక పర్ఫెక్ట్ ఎగ్జాంపుల్‌గా నిలిచాయి. నిన్న ఒక్క రోజే ప్రముఖ టికెటింగ్ ప్లాట్‌ఫామ్ ‘బుక్ మై షో’లో ఏకంగా 50 వేల టికెట్లు అమ్ముడవడం చూస్తుంటే ఈ సినిమా రేంజ్ ఏంటో అర్థం చేసుకోవచ్చు. స్ట్రాంగ్ కంటెంట్ ఉంటే ప్రేక్షకులు ఎప్పుడూ బ్రహ్మరథం పడతారని ‘పెద్ది’ మరోసారి నిరూపించింది. ఈ గురువారం నుండి థియేటర్లలో అదనంగా జోడించిన సరికొత్త సీన్లు ప్రేక్షకులను అమితంగా ఆకట్టుకుంటున్నాయి. దీంతో సినిమాను ఇప్పటికే చూసిన అభిమానులు, సాధారణ ప్రేక్షకులు సైతం ఆ కొత్త సీన్లను వెండితెరపై చూసి ఎంజాయ్ చేయడానికి ‘రిపీట్ ఆడియన్స్’ గా మళ్లీ మళ్లీ థియేటర్ల మెట్లు ఎక్కుతున్నారు.

ఇటీవలి కాలంలో విడుదలైన ఏ పెద్ద సినిమా కూడా మూడో వారంలోకి అడుగుపెట్టాక ఇంతటి అసాధారణమైన మొమెంటం, హోల్డ్‌ను కనబరచలేదు. రామ్ చరణ్ వన్-మ్యాన్ షో, బుచ్చిబాబు ఎమోషనల్ టేకింగ్, ఏఆర్ రెహమాన్ మ్యూజిక్ ప్రేక్షకులకు థియేటర్లలో ఒక పర్ఫెక్ట్ లూప్‌ను క్రియేట్ చేశాయి. ఈ రేర్ ఫీట్ చరణ్ బాక్సాఫీస్ వేటను నెక్ట్స్ లెవెల్‌కి తీసుకెళ్లింది. కేవలం టాక్ మాత్రమే కాదు, సరైన కమర్షియల్ ఎలిమెంట్స్ తోడైతే రామ్ చరణ్ సినిమా బాక్సాఫీస్ దగ్గర ఎలాంటి ఊచకోత కోస్తుందో చెప్పడానికి ఈ 18వ రోజు కలెక్షన్ల జంపే ఒక నిదర్శనం! లోకల్ మార్కెట్ లోనే కాకుండా ఓవర్సీస్ లోనూ ఈ సినిమా లాంగ్ రన్ లో భారీ వసూళ్లను కొల్లగొట్టడం ఖాయంగా కనిపిస్తోంది.