Rakhi: కుర్రాడిని బుట్టలో వేసుకోడానికి..నేనేమైనా ప్రియాంక చోప్రా కాదు..

బాలీవుడ్ ఫైర్ బ్రాండ్ రాఖీ సావంత్ గురించి ప్రత్యేకంగా చెప్పక్కర్లేదు. సినిమాల కంటే తన వివాదస్పద వ్యాఖ్యలతోనే ఆమె ఎక్కువ ఫేమస్ అయ్యారు. ఇప్పటికే రెండు పెళ్లిళ్లు విఫలమైన రాఖీ, తాజాగా తన మూడో పెళ్లి గురించి స్పందిస్తూ చేసిన వ్యాఖ్యలు ఇప్పుడు దుమారం రేపుతున్నాయి. ముఖ్యంగా ప్రియాంక చోప్రా-నిక్ జోనాస్ జంటను ఉద్దేశించి ఆమె చేసిన కామెంట్స్ నెట్టింట వైరల్ అవుతున్నాయి.

ముందు వెనుక చూడకుండా మాట్లాడే రాఖీ.. ఇటీవల ఒక ఇంటర్వ్యూలో తన మూడో పెళ్లి ప్లాన్స్ గురించి అడగ్గా.. తనదైన శైలిలో స్పందించారు.. ‘నేనేమైనా ప్రియాంక చోప్రానా? ఒక కుర్రాడిని బుట్టలో వేసుకొని పెళ్లి చేసుకోవడానికి.. అది నా వల్ల కాదు’ అంటూ షాకింగ్ కామెంట్స్ చేశారు. ప్రియాంక తన కంటే వయసులో చిన్నవాడైన నిక్ జోనాస్‌ను పెళ్లి చేసుకోవడాన్ని ఉద్దేశించి రాఖీ ఇలా వ్యంగ్యంగా మాట్లాడటంపై ప్రియాంక ఫ్యాన్స్ మండిపడుతున్నారు. తన వ్యక్తిగత జీవితంపై క్లారిటీ ఇస్తూనే, అనవసరంగా ఇతరులను లాగడం రాఖీకే చెల్లిందని నెటిజన్లు విమర్శిస్తున్నారు.