Manchu Lakshmi: ఐకాన్ స్టార్ అల్లు అర్జున్, స్టార్ డైరెక్టర్ అట్లీ కాంబినేషన్లో అత్యంత ప్రతిష్ఠాత్మకంగా తెరకెక్కుతున్న మోస్ట్ అవైటెడ్ మూవీ ‘రాకా’. సన్ పిక్చర్స్ సంస్థ భారీ బడ్జెట్తో నిర్మిస్తున్న ఈ చిత్రంపై ఇప్పటికే భారీ అంచనాలు నెలకొన్నాయి. సైంటిఫిక్ యాక్షన్ థ్రిల్లర్గా తెరకెక్కుతున్న ఈ సినిమాకు సంబంధించిన ప్రతి అప్డేట్ ప్రేక్షకుల్లో ఎంతో ఆసక్తిని పెంచుతోంది. తాజాగా నటి మంచు లక్ష్మి ‘రాకా’ షూటింగ్ సెట్ను సందర్శించడం హాట్ టాపిక్గా మారింది. సెట్లో జరుగుతున్న భారీ స్థాయి వర్క్ను చూసిన మంచు లక్ష్మి.. చిత్రబృందంపై ప్రశంసలు కురిపించారు. తాను ఇప్పటివరకు చూడని రకాల జీవులు, భారీ మొక్కలు, అద్భుతమైన సెట్స్తో పాటు.. పలు విభాగాలకు చెందిన వందలాది మంది కలిసి ఒక ప్రత్యేక ప్రపంచాన్ని నిర్మిస్తున్న తీరు తనను ఆశ్చర్యానికి గురి చేసిందని ఆమె పేర్కొన్నారు.
‘రాకా’లో కనిపించబోయే ప్రపంచం ప్రేక్షకుల ఊహలకు కూడా అందని స్థాయిలో ఉంటుందని మంచు లక్ష్మి అభిప్రాయపడ్డారు. ఈ సినిమాను తెరపై చూసేందుకు తాను కూడా ఎంతో ఆసక్తిగా ఎదురుచూస్తున్నానని తెలిపారు. ఆమె చేసిన కామెంట్స్తో సినిమాపై అంచనాలు మరింత పెరిగాయి. ఇక అల్లు అర్జున్ను అట్లీ తొలిసారి డైరెక్ట్ చేస్తున్న ఈ ప్రాజెక్ట్ను సన్ పిక్చర్స్ సంస్థ ప్రతిష్ఠాత్మకంగా నిర్మిస్తుంది. ఈ ప్రాజెక్ట్లో బాలీవుడ్ స్టార్ హీరోయిన్ దీపిక పదుకొణె కీలక పాత్రలో నటిస్తున్నట్లు సమాచారం. సైంటిఫిక్ యాక్షన్ థ్రిల్లర్ అంశాలతో పాటు భారీ విజువల్ ఎఫెక్ట్స్, గ్రాండ్ సెట్స్తో సినిమాను తెరకెక్కిస్తున్నట్లు తెలుస్తోంది. ఇప్పటికే విడుదలైన ‘రాకా’ టైటిల్ గ్లింప్స్, ఫస్ట్ లుక్ పోస్టర్ సినిమాపై క్యూరియాసిటీని మరింత పెంచాయి. తాజాగా మంచు లక్ష్మి సెట్ విజిట్ అనంతరం చేసిన కామెంట్స్.. ఈ సినిమా ఎంత భారీ స్థాయిలో తెరకెక్కుతుందనే విషయంపై మరింత ఆసక్తిని కలిగిస్తున్నాయి. మరి అట్లీ-బన్నీ కాంబినేషన్లో తెరకెక్కుతున్న ఈ విజువల్ వండర్ ప్రేక్షకులను ఏ స్థాయిలో మెప్పిస్తుందో వేచి చూడాలి.
‘రాకా’ సెట్లో మంచు లక్ష్మి.. ఆ విజువల్ వండర్ చూసి ఫిదా!
నటి మంచు లక్ష్మి తాజాగా #Raaka సినిమా షూటింగ్ సెట్ను స్వయంగా సందర్శించారు. అక్కడ చిత్రబృందం చేస్తున్న భారీ స్థాయి పనులను చూసి ఆమె ప్రశంసలు కురిపించారు.
ఇప్పటివరకు చూడని రకాల జీవులు, భారీ మొక్కలు, అద్భుతమైన సెట్స్తో… pic.twitter.com/AP0XqNrbaQ
— Tupaki (@tupaki_official) August 22, 2026