ఐకాన్ స్టార్ హీరో అల్లు అర్జున్ హీరోగా, సుకుమార్ దర్శకత్వంలో తెరకెక్కుతోన్న చిత్రం పుష్ప 2. గతంలో వీరి కలయికలో వచ్చిన బ్లాక్ బస్టర్ హిట్ పుష్ప సిక్వెల్ గా రాబోతుంది పుష్ప -2. నేషనల్ క్రష్ రష్మిక మందన్నా ఈ చిత్రంలో హీరోయిన్ గా నటిస్తోంది. మలయాళ నటుడు ఫహద్ ఫాసిల్ భన్వర్ సింగ్ పాత్రలో నటిస్తున్న సంగతి తెలిసిందే. ఈ సినిమాలో తిరుపతి గంగమ్మ జాతర సన్నివేశాలు ఉన్నాయని ఇది వరకు రిలీజ్ చేసిన టీజర్ లో బన్నీ లేడీ గేటప్ లో కనిపించిన యాక్షన్ ఘట్టాలను చూసాం.
Also Read : Jr.NTR: బాబోయ్.. తారక్ చిన్న కొడుకు ‘భార్గవ్ రామ్’ క్రేజ్ మాములుగా లేదుగా
ఇటీవల ఎడిటింగ్ వర్క్ మొదలుపెట్టిన దర్శకుడు సుకుమార్ ఈ జాతర సన్నివేశాలను ఎడిటింగ్ చేసి యూనిట్ లోని కొందరితో కలిసి వీక్షించాడని తెలిసింది. ఈ జాతర సన్నివేశాన్ని దర్శకుడు సుకుమార్ హైదరాబాద్‌లో అల్లు స్టూడియోలో ప్రత్యేకంగా వేసిన సెట్‌లో దాదాపు 30 రోజులకు పైగా చిత్రీకరించారట. సినిమాలో సెకండ్ హాఫ్ లో ఈ సీన్స్ వస్తాయని, సినిమాలో ఇవి కీలకమైన సన్నివేశాలను వందలాది ఆర్టిస్టులతో, ప్రత్యేక మేకప్, లైటింగ్ సెటప్‌లతో తెరకెక్కించిన ఈ సీన్స్ హైలైట్ గా నిలుస్తాయని చెబుతున్నారు. దాదాపు 30 కోట్ల రూపాయలకు పైగా ఖర్చుతో ఒక భారీ ఫైట్, రెండు సాంగ్స్ ను చిత్రీకరించాడట దర్శకుడు సుక్కు. ఈ సీక్వెన్స్ కాకుండా పుష్ప 2 లో క్లైమాక్స్ లో వచ్చే హెలికాఫ్టర్ రిలేటడ్ సీక్వెన్స్ సుకుమార్ తన మార్క్ లో డిజైన్ చేసినట్టుగా తెలుస్తుంది. డిసెంబర్ 6న వరల్డ్ వైడ్ గా రిలీజ్ కానున్నఈ సినిమాను మైత్రీ మూవీస్ నవీన్, రవి శంకర్ నిర్మిస్తున్నారు.