పాన్ ఇండియా స్టార్ ప్రభాస్ ప్రస్తుతం వరుస పాన్ ఇండియా చిత్రాలతో ఫుల్ బిజీగా ఉన్నాడు. గత ఏడాది సలార్ సినిమాతో బ్లాక్ బాస్టర్ హిట్ టాక్ను అందుకున్నాడు. ఇప్పుడు ‘కల్కి’ సినిమాతో ప్రేక్షకుల ముందుకు రాబోతున్నాడు. ఈ సినిమాను నాగ్ దర్శకుడు అశ్విన్ తెరకెక్కిస్తున్నారు. ఈ సినిమా జూన్ 27న ప్రపంచవ్యాప్తంగా రిలీజ్ కాబోతుంది. అమితాబ్ బచ్చన్, కమల్ హాసన్ వంటి లెజెండ్స్ కీలక పాత్రల్లో నటించిన ఈ చిత్రంపై భారీ అంచనాలు ఉన్నాయి. ఇప్పటికే సినిమా ట్రైలర్లు, ఈవెంట్స్‌కి సూపర్ రెస్పాన్స్ వచ్చింది.. అయితే ప్రభాస్ గురించి ఓ ఇంట్రెస్టింగ్ వీడియో ఒకటి సోషల్ మీడియాలో తెగ వైరల్ అవుతుంది.. అది చూసిన ఫ్యాన్స్ ఆందోళన చెందుతున్నారు..
ఈ సినిమాకు రిలీజ్ కు ముందే భారీ రెస్పాన్స్ ను అందుకుంది. అంతేకాదు బుకింగ్స్ లో కూడా దుమ్మురేపుతోంది.. ప్రభాస్ రికార్డులు క్రియేట్ చేస్తాడని ఫ్యాన్స్ అనుకుంటున్నారు. అయితే ఇలాంటి సమయంలో సోషల్ మీడియాలో వైరల్ అవుతున్న ఓ వీడియో డార్లింగ్ ఫ్యాన్స్‌ను బాధపెడుతుంది… అదేంటంటే.. కల్కి టీమ్ ఇటీవల ముంబై లో గ్రాండ్ గా ఈవెంట్ ను నిర్వహించారు.. ఆ ఈవెంట్ కు సంబందించిన వీడియో బిట్ అది.. ఆ వీడియోలో స్టేజ్ మీద దీపికా పదుకొణె పక్కన ప్రభాస్ నిల్చొని ఉన్నారు. ఆ సమయంలో ఏమైందో తెలీదు కానీ ఒక్క క్షణం ప్రభాస్ కాస్త వెనక్కి తుళ్లిపడ్డారు. ఫేస్‌లో ఆ క్షణం భరించలేని బాధ కనిపించింది.
ఆ క్షణం డార్లింగ్ చిన్న నవ్వుతో కవర్ చేసాడు.. ఈ వీడియో చూసిన ఫ్యాన్స్ ప్రభాస్ కాలి గాయం ఇంకా నయం కాలేదంటూ కామెంట్లు పెడుతున్నారు. బాహుబలి టైం లో కాలికి గాయం అయ్యింది . అలాగే సలార్ షూటింగ్ లో కూడా గాయం అయ్యింది.. ఆ తర్వాత సర్జరీ కూడా జరిగింది.. మొత్తంగా చూసుకుంటే కాలికి ఇంకా గాయం తగ్గినట్లు కనిపిస్తుంది.. ఇక ప్రభాస్ సినిమాకు ముందు విదేశాలకు వెళ్తారన్న సంగతి తెలిసిందే..