తెలుగు చిత్రపరిశ్రమలో ఇప్పుడు పూజా హేగ్డే, రశ్మిక మధ్య క్యాట్ రేస్ నడుస్తోంది. స్టార్ హీరోల సినిమాలలో హీరోయిన్ గా ఫస్ట్ ఛాయిస్ వీరిద్దరి మధ్యే ఉంటూ వస్తోంది. వీరి డేట్స్ లేకుంటేనే దర్శకనిర్మాతలు వేరే హీరోయిన్ కోసం ట్రై చేస్తున్నారనటంలో ఎలాంటి అతిశయోక్తి లేదు. అయితే ఒక్కో సినిమాకు వీరిద్దరి మధ్య కూడా పోటీ నడుస్తూ ఉంటుంది. అలా పవన్ కళ్యాణ్ సినిమా కోసం వీరిద్దరి మధ్య క్యాట్ రేస్ నడిచిందట. హరీశ్ శంకర్ దర్శకత్వంలో పవన్ కళ్యాణ్ హీరోగా మైత్రీ మూవీస్ సంస్థ నిర్మిస్తున్న ‘భవదీయుడు భగత్ సింగ్’ సినిమా కోసం జరిగిన హీరోయిన్ల వేటలో చివరకు పూజా హేగ్డే ఎంపిక ఖరారు అయిందట.
సెంటిమెంట్ వర్కవుట్
నిజానికి మైత్రీ మూవీస్ వారి వద్ద రశ్మిక డేట్స్ ఉన్నాయట. అయితే దర్శకుడు హరీశ్ శంకర్ పవన్ సరసన పూజా హేడ్గే అయితే బాగుంటుందని కోరారట. అంతకు మందు హరీశ్ తో ‘దువ్వాడ జగన్నాథమ్, గద్దలకొండ గణేశ్’ సినిమాల్లో నటించింది పూజా హేగ్డే. అవి రెండూ హిట్. దాంతో పూజ హరీశ్ కి లక్కీ మస్కట్ గా మారింది. అందుకే పూజకే మొగ్గు చూపాడు హరీశ్. నిజానికి పూజ కూడా ఎంతో బిజీగా ఉంది. సల్మాన్ తో ‘భాయీజాన్’, విజయ్ తో ‘బీస్ట్’, మహేశ్, త్రివిక్రమ్ సినిమా ఉన్నాయి. అయినా హరీశ్ శంకర్ పట్ల కృతజ్ఞతా భావంతో పాటు పవన్ హీరో కావడంతో డేట్స్ ఎడ్జస్ట్ చేసి సహకరిస్తోంది. డిజె కి ముందు పూజ నటించిన సినిమాలు అంతగా ఆడలేదు. పూజా హేగ్డే స్టార్ హీరోయిన్ గా ఎదగటానికి బీజం వేసిన సినిమా ‘డిజె’. అందుకే హరీశ్ అంటే పూజకు ప్రత్యేకమైన అభిమానం. ఇక మైత్రీ సైతం పూజకు భారీ పారితోషికం ఇవ్వబోతోంది. దీంతో పాటు తన ప్రధాన పోటీదారు రశ్మికపై పైచేయి అని నిరూపించుకునే ఛాన్స్. ఎలా వదులుతుంది? అందుకే పవన్, హరీశ్ సినిమాలో భాగం అవటానికి డేట్స్ అన్నీ ఎడ్జెస్ట్ చేసి మరీ సినిమా చేస్తోంది. మరి పూజ ఎత్తుకు రశ్మిక ఎలాంటి పై ఎత్తు వేస్తుందో చూడాలి.