Pongal Clash : స్టార్ హీరో సినిమా సంక్రాంతి రిలీజ్ వాయిదా..?

సంక్రాంతి సినిమాల సందడి టాలీవుడ్ లో ఇప్పటినుండే మొదలైంది. ఇప్పటికే ఫెస్టివల్ కు రిలీజ్ అయ్యే సినిమాలు రిలీజ్ డేట్స్ ఫిక్స్ చేసారు మేకర్స్. ముందుగా రామ్ చరణ్ గేమ్ చెంజర్ జనవరి 10న రిలీజ్ కానుంది. బాలయ్య డాకు మహారాజ్ జనవరి 12న, వెంకీ ‘సంక్రాంతికి వస్తున్నాం’ జనవరి 14న రిలీజ్ కానుంది. సినిమాల రిలీజ్ డేట్స్ లెక్క తేలడంతో థియేటర్స్ కేటాయింపు పై ఫోకస్ చేయబోతున్నారు డిస్ట్రిబ్యూటర్స్. అగ్రిమెంట్స్ కుడా స్టార్ట్ చేసారు.

Also Read : Amaran : రజనీకాంత్, విజయ్ ను వెనక్కినెట్టిన ‘శివకార్తికేయన్’

ఇక సంక్రాంతి సినిమాల రిలీజ్ లిస్ట్ లో మరో సినిమా వచ్చి చేరింది. అదే ‘గుడ్ బాడ్ అగ్లీ’ తమిళ స్టార్ హీరో అజిత్ కుమార్ నటిస్తున్న ఈ సినిమాను ఆధిక్ రవిచంద్రన్దర్శకత్వం వహిస్తుండగా టాలీవుడ్ బడా నిర్మాణ సంస్థ మైత్రీ మూవీస్ సంస్థ నిర్మిస్తుంది. ఈ సినిమాను కూడా సంక్రాంతి రిలీజ్ చేస్తున్నామని వార్త గుప్పుమనడంతో గేమ్ ఛేంజర్ సినిమాకు గట్టి దెబ్బ పడిందని, తమిళ్ లో రామ్ చరణ్ సినిమాకు థియేటర్స్ దొరకవు అని అంత భావించారు. కానీ ఇప్పుడు వినిపిస్తున్న వార్తల ప్రకారం అజిత్ సినిమా విడుదల వాయిదా వేసారట మేకర్స్. దాంతో నిర్మాత దిల్ రాజు కాస్త టెన్షన్ తప్పింది. అజిత్ సినిమా రిలీజ్ అంటే తమిళ్ లో ఏ రేంజ్ సెలెబ్రేషన్స్ ఉంటాయో చెప్పక్కర్లెదు. గుడ్ బాడ్ అగ్లీ వాయిదాతో గేమ్ చెంజర్ రూట్ క్లియర్ అయింది. కానీ అజిత్ నటిస్తున్న మరో చిత్రం విడాముయార్చి సంక్రాంతి వస్తుందని చెన్నై సినీ వర్గాల టాక్. ఈ సినిమాను లైకా ప్రొడక్షన్స్ న్మిరిస్తోంది.