ఏపీ డిప్యూటీ సీఎం, పవర్ స్టార్ పవన్ కళ్యాణ్ కొత్త లుక్లో దర్శనమిచ్చారు. రాజాగా పెనమలూరు మండలంలో ఒక సెలూన్ షాప్ ఓపెనింగ్కు ఆయన హాజరయ్యారు. ‘కొనిక’ పేరుతో పెనమలూరు మండలంలో ఏర్పాటు చేసిన సెలూన్ను ఆయన చేతుల మీదుగా ప్రారంభించారు. హైదరాబాద్లో ఇదే సెలూన్ రోడ్ నంబర్ 45, జూబ్లీహిల్స్లో చాలా కాలంగా నడుస్తోంది. సదరు వ్యక్తి పవన్ కళ్యాణ్కు అత్యంత సన్నిహితుడు కావడం, ఆయనతో పలు సినిమాలకు పనిచేసిన అనుభవం ఉండడంతో, ఆ పరిచయం రీత్యా పవర్ స్టార్ పవన్ కళ్యాణ్ను ఈ ప్రారంభోత్సవానికి ఆహ్వానించారు.
Also Read: Pawan Kalyan: సెలూన్ను ప్రారంభించిన డిప్యూటీ సీఎం పవన్ కల్యాణ్!
అయితే, పవన్ కళ్యాణ్ ఈ ప్రారంభోత్సవానికి సాదాసీదాగా ఒక టీ-షర్ట్ ధరించి రావడం హాట్ టాపిక్గా మారింది. అయితే, అసలు విషయం ఏమిటంటే, పవన్ కళ్యాణ్ హెయిర్ స్టైల్ కూడా కొత్తగా కనిపిస్తోంది. ఆయన ఇప్పటికే ‘ఓజీ’ సినిమాకు సంబంధించి తన పార్ట్ షూటింగ్ పూర్తి చేశారు. త్వరలోనే ‘హరి హర వీరమల్లు’ సినిమా షూట్కు రెడీ అవుతున్నారు. ఈ లుక్ కాస్త భిన్నంగా అనిపిస్తుండడంతో, ‘హరి హర వీరమల్లు’ సినిమాకు సంబంధించిన లుక్ ఇదేనేమో అనే ప్రచారం జరుగుతోంది. అయితే, షూటింగ్ ప్రారంభమైతే కానీ దీన్ని ఖచ్చితంగా చెప్పలేము.
