‘ఓయ్ ఇడియట్’ ట్రైలర్ విడుదల

సహస్ర మూవీస్ అండ్ హ్యాపీ లివింగ్ ఎంటర్టైన్మెంట్ బ్యానర్స్ పై నిర్మాతలు సత్తిబాబు బాబు మోటూరి, శ్రీనుబాబు పుల్లేటి నిర్మిస్తున్న చిత్రం ‘ఓయ్ ఇడియట్’. యశ్వంత్ యజ్జవరుపు, త్రిప్తి శంక్ధర్ ముఖ్యపాత్రల్లో నటిస్తున్న ఈ చిత్రంతో యువ దర్శకుడు వెంకట్ కడలి దర్శకుడిగా పరిచయం కాబోతున్నాడు. ‘ఓయ్ ఇడియట్’ ట్రైలర్ ను టాలెంటెడ్ డైరెక్టర్ వెంకటేష్ మహా విడుదల చేశారు. ఈ సందర్భంగా వెంకటేష్ మహా మాట్లాడుతూ… ”యంగ్ టీమ్ కలసి చేసిన ‘ఓయ్ ఇడియట్’ ట్రైలర్ ఫ్రెష్ గా ఉంది. టీనేజ్ లవ్ స్టోరీని స్క్రీన్ మీద అందంగా చూపించారు. ఇండస్ట్రీకి ఇలాంటి కొత్త నటీనటులు టెక్నీషియన్స్ ఎందరో రావాలి. ఈ సినిమా పెద్ద విజయం సాధించి అందరికి మంచిపేరు తెచ్చిపెట్టాలని కోరుకుంటున్నాను” అన్నారు.