Tollywood: ఒక్క క్లిక్.. మూడు ఇంట్రెస్టింగ్ అప్ డేట్స్..మ్యాటర్ ఏంటంటే..?

ఆంధ్రాపోరి చిత్రం ద్వారా ఇండస్ట్రీకి పరిచయం అయ్యాడు ఆకాష్ పూరి. పూరి జగన్నాధ్ కొడుకు అనే బ్యాంకింగ్ ఉన్న సినిమా ఆఫర్లు వరుసగా వచ్చిన హిట్లు మాత్రం ఆకాశ్ ని వరించలేదు. తన తండ్రి పూరి జగన్నాధ్ దర్శకత్వంలో చేసిన మెహబూబా తదితర చిత్రాలు సైతం బాక్సాఫీస్ వద్ద బోల్తా కొట్టాయి. ఈ రోజు ఆకాష్ పుట్టిన రోజు సందర్భంగా సంచలన నిర్ణయం తీసుకున్నాడు. తనపేరులోని ఆకాష్ పూరి లో పూరి ని తీసేసి ఆకాష్ జగన్నాధ్ మార్చుకున్నట్టు సోషల్ మీడియా ద్వారా వెల్లడించాడు ఈ కుర్ర హీరో. సరికొత్త పేరుతో వస్తోన్న ఆకాష్ జగన్నాధ్ హిట్టు కొడతాడేమో చూడాలి.

ఇక మాస్ కా దాస్ విశ్వక్ సేన్ ప్రస్తుతం ఫుల్ ఫామ్ లో ఉన్నాడు. వరుస సినిమాలతో దూసుకెళ్తున్నాడు, ప్రస్తుతం మెకానిక్ రాకీ షూటింగ్ లో బిజీగా ఉన్నాడు విశ్వక్. ఈ చిత్ర థియేట్రికల్ రైట్స్ ఏషియన్, సురేష్ సంస్థ కొనుగోలు చేసిన సంగతి తెలిసిందే. తాజాగా ఈ చిత్రం యొక్క ఆడియో రైట్స్ ను సోనీ మ్యూజిక్ కొనుగోలు చేసినట్టు అధికారకంగా ప్రకటించారు మేకర్స్.

ఇటీవల సినిమాల కంటే లావణ్య కేసుల వ్యవహారంతో ఎక్కువ పాపులారిటీ సంపాదించాడు రాజ్ తరుణ్. ఈ యంగ్ హీరో నటిస్తున్న చిత్రం ‘పురుషోత్తముడు’. ఈ నెల 26న వరల్డ్ వైడ్ గా థియేటర్లలో విడుదల కానున్న ఈ చిత్రాన్ని నైజాంలో ప్రముఖ నిర్మాణ సంస్థ మైత్రి మూవీస్ డిస్ట్రిబ్యూషన్ చేయనున్నటు పోస్టర్ రిలీజ్ చేసింది సదురు సంస్థ. వివాదాల నడుమ రిలీజ్ కానున్న ఈ చిత్రం ఏ మేరకు రానిస్తుందో చూడాలి.

Also Read : SSMB29: మహేష్, రాజమౌళిల సినిమా టైటిల్ ఇదే..!