Nani: ఏపీ ఎలక్షన్స్.. కన్ఫ్యూజన్లో నేచురల్ స్టార్?

Nani Next Movie: నేచురల్ స్టార్ నాని ప్రస్తుతం వివేక్ ఆత్రేయ దర్శకత్వంలో సరిపోదా శనివారం అనే సినిమా చేస్తున్నాడు. డివివి ఎంటర్టైన్మెంట్స్ బ్యానర్ మీద డివివి దానయ్య నిర్మిస్తున్న ఈ సినిమా దాదాపు షూటింగ్ చివరి దశకు చేరుకుంది. త్వరలో రిలీజ్ కి కూడా రెడీ చేస్తున్న సినిమా యూనిట్ ప్రమోషన్స్ కూడా ప్రారంభించే పనిలో పడింది. శనివారం నుంచి సినిమా ప్రమోషన్స్ మొదలుకానున్నాయని అధికారిక ప్రకటన వెలువడింది. ఇక ఈ సినిమా తర్వాత నాని అదే బ్యానర్ లో సుజిత్ దర్శకత్వంలో ఒక సినిమా చేసే అవకాశం ఉందని ప్రచారం జరిగింది. అయితే ఇప్పుడు ఆ సినిమా కాస్త లేట్ అయ్యే అవకాశాలు కనిపిస్తున్నాయి. ఎందుకంటే సుజీత్ ఇప్పుడు పవన్ కళ్యాణ్ హీరోగా ఓజి అనే సినిమా చేస్తున్నాడు. ఈ సినిమా షూటింగ్ దాదాపు పూర్తి కావచ్చింది కానీ కొంత భాగం షూట్ మాత్రం మిగిలిపోయింది. పవన్ కళ్యాణ్ సినిమా షూటింగ్లో పాల్గొనాల్సిన పరిస్థితుల్లో లేరు, ఎందుకంటే ఆయన ఏపీ ఎన్నికల హడావిడిలో బిజీ అయ్యారు.

Shanmukh Jaswanth Arrest: సినిమాను మించిన ట్విస్టులు.. షన్ను అరెస్ట్ కేసులో వెలుగులోకి విస్తుపోయే నిజాలు!

ఇక ఆయన ఈ మధ్యలో వచ్చి షూట్ పూర్తి చేస్తారా? లేక ఎన్నికల వరకు ఆగమని చెప్తారా? అనే విషయం మీద క్లారిటీ లేదు. ఒకవేళ ఎన్నికల వరకు ఆగమని చెబితే రెండు నెలల పాటు సుజిత్, పవన్ కళ్యాణ్ సినిమా కోసం ఆగాల్సి ఉంటుంది. అదే జరిగితే కనుక నాని సరిపోదా శనివారం షూటింగ్ పూర్తయింది కాబట్టి రెండు నెలలు టైం వేస్ట్ అవుతుంది అని భావిస్తున్నట్లు తెలుస్తోంది. సుజిత్ లైన్ లోకి వచ్చే లోపు మరో సినిమా పూర్తి చేసే అవకాశాలు ఉన్నాయా అనే ఆలోచనలు కూడా చేస్తున్నట్లుగా తెలుస్తోంది. ఇప్పటికే బలగం వేణు చెప్పిన కథకి నాని కనెక్ట్ అయ్యాడు. పీరియాడిక్ లవ్ స్టోరీగా దిల్ రాజు నిర్మాణంలో ఈ సినిమా తెరకెక్కే అవకాశాలు ఉన్నాయి. ఓజి షూటింగ్ కనుక వాయిదా పడితే నాని బలగం వేణుతో సినిమా మొదలుపెట్టే అవకాశాలు ఉన్నాయి. మొత్తం మీద ఏపీ ఎలక్షన్స్ నానిని కన్ఫ్యూజన్లో పడేశాయి అని అనడంలో ఎలాంటి సందేహం లేదు. చూడాలి మరి, ఏం జరగబోతోంది అనేది.