Nagarjuna: వెంకటేష్ నుండి నాగ్ చేతికి రీమేక్?

టాలీవుడ్ సీనియర్ ఫోర్ పిల్లర్స్‌లో చిరు, బాలయ్య, వెంకీ ఫుల్ స్వింగ్‌లో ఉన్నారు. మరి నాగార్జున సంగతేంటీ..? రీసెంట్లీ సైడ్ ట్రాక్‌ తీసుకున్న నాగ్.. మళ్లీ మెయిన్ ట్రాక్‌లోకి వచ్చేస్తున్నాడా..? మైల్ స్టోన్ మూవీకి డైరెక్టర్‌ను ఫిక్స్ చేసిన కింగ్.. మరోసారి రిస్క్ చేస్తున్నాడా..? వెంకీ వదిలేసుకున్న ప్రాజెక్ట్ మన్మధుడు చెంతకు చేరిందా…? అంటే అవునని అంటున్నాయి ఫిలిం నగర్ వర్గాలు. చిరంజీవి విశ్వంభర, అనిల్ రావి పూడి చిత్రాలతో బిజీ. బాలకృష్ణ అఖండ2 ఫైనల్ దశకు చేరుకోబోతోంది. వెంకటేష్ కాస్త బ్రేక్ తీసుకుని త్రివిక్రమ్‌, దృశ్యం3తో పాటు మరో త్రీ ఫిల్మ్ సెట్ చేశాడు. చిరంజీవి, బాలయ్య సినిమాలో క్యామియో అప్పీరియన్స్‌తో చెలరేగిపోతున్నాడు. కింగ్ నాగార్జున సంగతేంటీ..? సోలో హీరోగా మళ్లీ కనిపించేది ఎప్పుడు..? అని టెన్షన్ పడుతున్న నాగ్ ఫ్యాన్స్‌కు అదిరిపోయే ట్రీట్ ఇవ్వబోతున్నాడు. తన మైల్ స్టోన్ మూవీకి డైరెక్టర్‌ను ఫిక్స్ చేశాడు. ఆకాశం ఫేం రా కార్తీక్‌కు ఛాన్స్ ఇచ్చినట్లు గట్టిగానే బజ్ వినిపిస్తోంది.

Also Read: Sir Ganga Ram: సర్ గంగా రామ్ ఎవరు..? పాకిస్తాన్ ఎంతో గౌరవిస్తున్న హిందువు..

నాగ్ తన వందవ చిత్రం కోసం ఆకాశం తప్ప మరో సినిమా చేయని రా కార్తీక్‌కు ఛాన్స్ ఇవ్వడం డేరింగ్ డెసిషనే.. కానీ ఈ మధ్య కాలంలో తనకు కలిసిరానీ రీమేక్స్ జోలికి మరోసారి వెళుతూ రిస్క్ చేస్తున్నాడు ఈ అక్కినేని హీరో. 2023లో టూరిస్ట్ ఫ్యామిలీ ఫేం శశికుమార్, మళ్లీ రావా చైల్డ్ ఆర్టిస్ట్ ప్రీతి ఆస్రాని లీడ్ క్యారెక్టర్లలో నటించిన మూవీ ‘అయోతి’ని రీమేక్ చేయబోతున్నాడని టాక్. అప్పట్లో ఈ సినిమా విమర్శకుల ప్రశంసలు అందుకుంది. అదే ఊపులో ఈ బొమ్మను తెలుగులో వెంకటేష్, హిందీలో అజయ్ దేవగన్ రీమేక్ చేయాలని అనుకున్నారు. కానీ వర్కౌట్ కాలేదు. వెంకీ మామ వదిలేసిన అయోతి.. ఇప్పుడు నాగ్ చెంతకు చేరిందని.. అదే రా కార్తీక్ రీమేక్ చేయబోతున్నాడన్న బజ్ నడుస్తోంది.

Also Read: Virgin Boys: ‘టికెట్‌ కొట్టు – ఐఫోన్‌ పట్టు’ అన్నారు..ఓ ఐఫోన్ ఇచ్చేశారు!

నాగ్ రీమేక్స్ చేయడం కొత్త కాదు. తన ఫస్ట్ ఫిల్మ్ విక్రమ్ నుండే చాలా సినిమాలు రీమేక్ చేశాడు. ఇప్పుడు వందవ చిత్రాన్నీ సెంటిమెంట్‌గా భావించి రీమేక్ లోడ్ చేయాలన్న యోచనలో పడినట్లున్నాడు కింగ్. కానీ ఈ మధ్య కాలంలో ఆయనకు రీమేక్స్ పెద్దగా అచ్చిరావడం లేదు. మన్మధుడు2, లాస్ట్ ఇయర్ వచ్చిన నా సామి రంగా కూడా బాక్సాఫీస్ దగ్గర బోల్తా పడ్డాయి. సో అయోతి రీమేక్ చేయడమన్నదీ పెద్ద రిస్కే. అందులోనూ ఈ ఓటీటీ యుగంలో ఇలాంటి ప్రయోగం చేయాలనుకోవడం కూడా నాగ్ ముందున్న అతి పెద్ద ఛాలెంజ్. మరీ సెంటిమెంట్ కోసం రీమేకే నమ్ముకుంటాడా..? లేక సరికొత్త స్టోరీని ప్లాన్ చేస్తాడా అనేది చూడాలి.