Nagabandham: ‘నాగబంధం’ మేకర్స్ ఊహించని నిర్ణయం!

అభిషేక్ నామా కథ, స్క్రీన్‌ప్లే అందిస్తూ స్వయంగా దర్శకత్వం వహించిన భారీ బడ్జెట్ డివోషనల్ యాక్షన్ అడ్వెంచర్ చిత్రం ‘నాగబంధం’. విరాట్ కర్ణ, నభా నటేష్ హీరో హీరోయిన్లుగా నటించగా కిశోర్ అన్నపురెడ్డి, నిషిత నాగిరెడ్డి నిర్మించిన ఈ చిత్రం ప్రస్తుతం థియేటర్లలో ప్రదర్శించబడుతోంది. అయితే, తాజాగా ఈ సినిమాకు సంబంధించి మేకర్స్ ఒక సంచలన నిర్ణయాన్ని ప్రకటించారు. సినిమా విడుదలైన తర్వాత అందుతున్న టాక్, ప్రేక్షకుల ఫీడ్‌బ్యాక్‌ను దృష్టిలో ఉంచుకుని, కథనంలో మరింత వేగం పెంచేందుకు చిత్ర బృందం ఒక కీలక అడుగు వేసింది. మొదట ఈ సినిమా నిడివి 3 గంటల 16 నిమిషాల పాటు సుదీర్ఘంగా ఉండేది.

థియేటర్లలో ప్రేక్షకులకు మరింత క్రిస్పీగా, ఎంగేజింగ్‌గా ఉండే సినిమాటిక్ అనుభూతిని అందించాలనే ఉద్దేశంతో మేకర్స్ ఏకంగా 31 నిమిషాల నిడివిని ట్రిమ్ చేశారు. ఈ విషయాన్ని స్పష్టం చేస్తూ సరికొత్త అధికారిక పోస్టర్‌ను విడుదల చేశారు. ఇప్పుడు ఈ సినిమా సరికొత్త రన్‌టైమ్ 2 గంటల 45 నిమిషాలతో థియేటర్లలో రన్ కానుంది. సినిమాలోని అనవసరమైన సాగతీత సీన్లను తొలగించడం ద్వారా స్క్రీన్‌ప్లే మరింత రేసీగా మారబోతోందని మేకర్స్ పేర్కొన్నారు. ప్రకటించినట్లుగా, ఈ తాజా మార్పు ప్రేక్షకులకు ఒక షార్పర్ సినిమాటిక్ ఎక్స్‌పీరియన్స్ ఇవ్వడమే కాకుండా, బాక్సాఫీస్ వద్ద సినిమా కలెక్షన్ల జోరును మరింత పెంచే అవకాశం ఉందని ట్రేడ్ వర్గాలు విశ్లేషిస్తున్నాయి. నిడివి తగ్గడంతో ఇకపై థియేటర్లకు వచ్చే ఆడియన్స్‌కు సరికొత్త జోష్ కలగడం ఖాయంగా కనిపిస్తోంది.